വിവാഹവാഗ്ദാനം നൽകി പീഡനം: രണ്ടുപേർ അറസ്റ്റിൽ

അടിമാലി: പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി പീഡിപ്പിച്ചെന്ന കേസിൽ രണ്ട് യുവാക്കൾ പിടിയിൽ. അടിമാലി മുത്താരംകുന്ന് കേരോത്തുകുടി പ്രവീൺ (22), ടെക്നിക്കൽ സ്കൂൾ ജങ്ഷനു സമീപം താമസിക്കുന്ന ചിറങ്ങരയിൽ ജിനീഷ് (21) എന്നിവരെയാണ് അടിമാലി പോലീസ് ചൊവാഴ്ച രാത്രിയോടെ അറസ്റ്റ് ചെയ്തത്.കഴിഞ്ഞ ശനിയാഴ്ച മുതൽ പ്ലസ് വൺ വിദ്യാർഥിനിയെ കാണാനില്ലെന്നു ബന്ധുക്കൾ പോലീസിൽ പരാതി നൽകിയിരുന്നു. മൊബൈൽ ടവർ കേന്ദ്രീകരിച്ചു നടത്തിയ അന്വേഷണത്തിൽ പെൺകുട്ടിയും പ്രവീണും എറണാകുളത്താണെന്ന് കണ്ടെത്തി. തുടർന്ന് ഇവരെ പോലീസ് അറസ്റ്റ് ചെയ്തു. പെൺകുട്ടിയെ ആശുപത്രിയിൽ കൊണ്ടുവന്ന് ഡോക്ടർ പരിശോധിച്ചപ്പോൾ ജിനീഷും ഉപദ്രവിച്ചതായി പെൺകുട്ടി പോലീസിനു മൊഴി നൽകി. ഇതോടെ ഇയാളെയും പോലീസ് പിടികൂടി. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.