സപ്ലിമെന്ററി പരീക്ഷയ്ക്ക് അപേക്ഷിക്കാം

സംസ്ഥാനത്തെ സര്‍ക്കാര്‍, സ്വകാര്യ എസ്.ഡി.ഡി.ഡി, എസ്.റ്റി.ഡി.ഡി ഐ.റ്റി.ഐ കളില്‍ എന്‍.സി.വി.റ്റി അഫിലിയേഷനുള്ള അംഗീകൃത ട്രേഡുകളില്‍ ആഗസ്റ്റ് 2014 മുതല്‍ 2017 വരെ എം. ഐ. എസ്. പോര്‍ട്ടല്‍ മുഖേന പ്രവേശനം നേടിയ സെമസ്റ്റര്‍ സമ്പ്രദായത്തില്‍ പെട്ട ട്രെയിനികളില്‍ നിന്നും 2018 മുതല്‍ വാര്‍ഷിക സമ്പ്രദായത്തില്‍ പ്രവേശനം നേടിയ ട്രെയിനികളില്‍ നിന്നും സപ്‌ളിമെന്ററി സി.ബി.റ്റി (കമ്പ്യൂട്ടര്‍ ബേസ്ഡ് ടെസ്റ്റ്) പരീക്ഷ എഴുതുന്നതിന് അപേക്ഷ ക്ഷണിച്ചു. 2014 മുതല്‍ 2017 വരെ സെമസ്റ്റര്‍ സമ്പ്രദായത്തില്‍ പ്രവേശനം നേടിയ എല്ലാ ട്രെയിനികള്‍ക്കും എല്ലാ സെമസ്റ്ററുകളും എഴുതുന്നതിന് അവസരം ലഭ്യമാണ്. നവംബര്‍ 9 ന് വൈകുന്നേരം 3 മണിക്ക് മുമ്പ് ബന്ധപ്പെട്ട ഐ. റ്റി. ഐ. പ്രിന്‍സിപ്പലിന് സി.ബി.റ്റി പരീക്ഷ ഫീസ്, നിശ്ചിത മാതൃകയിലുള്ള അപേക്ഷ എന്നിവ സമര്‍പ്പിക്കണം. ഫോണ്‍: 04868 272216.