പ്രോജക്ട് ഓഫീസർ അപേക്ഷ ക്ഷണിച്ചു

ഇടുക്കി ഐ.റ്റി.ഡി. പി ഓഫീസിന്റെ കീഴിലുള്ള ഇടുക്കി, കട്ടപ്പന, പൂമാല, പീരുമേട് എന്നീ ട്രൈബൽ എക്സ്റ്റന്ഷൻ ഓഫീസിന്റെ പരിധിയിലുള്ള തൊടുപുഴ (2) മൂലമറ്റം, വാഴത്തോപ്പ്, പൂമാല, കോടാലിപ്പാറ, കുമളി എന്നവിടങ്ങളിൽ പ്രവർത്തിക്കുന്ന 7 പ്രീമെട്രിക് ഹോസ്റ്റലുകളിലേയ്ക്ക് റസിഡൻഷ്യൽ ട്യൂട്ടർമാരെ നിയമിക്കുന്നതിന് പട്ടികവർഗ്ഗ വിഭാഗത്തിൽപ്പെട്ട 22 നും 40 നും ഇടയിൽ പ്രായമുള്ളതും 1 ലക്ഷം രൂപയിൽ താഴെ കുടുംബ വാർഷിക വരുമാനമുള്ള ബി.എഡ് ബിരുദ ധാരികളുമായി യുവതി യുവാക്കളിൽ നിന്നും ഇടുക്കി ഐ.റ്റി.ഡി പ്രൊജക്റ്റ് ഓഫീസർ അപേക്ഷ ക്ഷണിച്ചു. തെരഞ്ഞെടുക്കപ്പെടുന്നവർക്ക് പ്രതിമാസം 18000/- രൂപ ഹോണറേറിയം ലഭിക്കും. താല്പര്യമുള്ളവർ ബയോഡേറ്റ, ജാതി, വരുമാനം, മുൻ പരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകൾ സഹിതം ഒക്ടോബർ 31, 11 മണിയ്ക്ക് ഇടുക്കി ഐ.റ്റി.ഡി പി ഓഫീസിൽ നടത്തുന്ന വാക് ഇൻ ഇൻറർവ്യൂവിൽ പങ്കെടുക്കണം. അധിക യോഗ്യതയുള്ളവർക്ക് മുൻഗണന. തെരഞ്ഞെടുക്കപ്പെടുന്നവർ ഹോസ്റ്റലുകളിൽ താമസിച്ച് സേവനം ചെയ്യണം. നിയമനം താത്കാലികവും 2023 ഒക്ടോബർ 31 വരെ മാത്രം കാലാവധിയുള്ളതുമായിരിക്കും. ഫോൺ – 04862222399