പ്രധാന വാര്‍ത്തകള്‍
സിനിമാ സീരിയല്‍ നടി രശ്മി ഗോപാല്‍ അന്തരിച്ചു
തിരുവനന്തപുരം: സിനിമാ സീരിയല്‍ നടി രശ്മി ഗോപാല്‍ അന്തരിച്ചു. 51 വയസായിരുന്നു. ആരോഗ്യപ്രശ്‌നങ്ങളെ തുടര്‍ന്ന് ആശുപത്രിയില്‍ ചികിത്സയിലിരിക്കെ ഞായറാഴ്ച വൈകിട്ടായിരുന്നു അന്ത്യം.
സ്വന്തം സുജാത’ സീരിയലിലെ സാറാമ്മ എന്ന കഥാപാത്രത്തിലൂടെയാണ് രശ്മി ഗോപാല്‍ കുടുംബ പ്രേക്ഷകര്‍ക്കിടയില്‍ പ്രശസ്തയായത്.
ബെംഗളൂരുവില്‍ ജനിച്ചുവളര്‍ന്ന രശ്മി, പരസ്യ ചിത്രങ്ങളിലൂടെയാണ് അഭിനയരംഗത്തേക്ക് എത്തിയത്. നിരവധി സീരിയലുകളില്‍ വേഷമിട്ടു. ചില മലയാളം, തമിഴ് സിനിമകളിലും അഭിനയിച്ചിട്ടുണ്ട്. ഭര്‍ത്താവ്: ജയഗോപാല്‍. മകന്‍: പ്രശാന്ത് കേശവ്.
സിനിമ-സീരിയല്‍ രംഗത്തെ നിരവധിപേര്‍ സമൂഹമാധ്യമത്തില്‍ അനുശോചനം പങ്കുവച്ചു.
