അന്തരിച്ച എലിസബത്ത് രാജ്ഞിയുടെ മൃതദേഹം ലണ്ടനില്‍ എത്തിച്ചു : മൃതദേഹം ഇന്ന് ബെക്കിങ്ഹാം പാലസില്‍ തുടരും
ലണ്ടന്‍: അന്തരിച്ച എലിസബത്ത് രാജ്ഞിയുടെ മൃതദേഹം ലണ്ടനില്‍ എത്തിച്ചു. മൃതദേഹം ഇന്ന് ബെക്കിങ്ഹാം പാലസില്‍ തുടരും.
ഇനിയുള്ള സംസ്‌കാര ചടങ്ങുകള്‍ ലണ്ടനിലാണ് നടക്കുക. സെപ്റ്റംബര്‍ 19നാണ് സംസ്‌കാര ചടങ്ങുകള്‍.
പ്രദേശിക സമയം വൈകീട്ട് 5 മണിയോടെ എഡിന്‍ബ്‌റയില്‍ നിന്ന് പ്രത്യേക വിമാനത്തിലാണ് എലിസബത്ത് രാജ്ഞിയുടെ മൃതശരീരം ലണ്ടനിലെത്തിച്ചത്. ലണ്ടനിലെ എയര്‍പോര്‍ട്ടില്‍ നിന്ന് റോഡ് മാര്‍ഗം മൃതശരീരം ബെക്കിങ്ഹാം പാലസിലേക്ക് എത്തിച്ചു. വഴിയില്‍ 1000 കണക്കിന് പേരാണ് അന്ത്യമോപചാരം അര്‍പ്പിക്കാന്‍ കാത്ത് നിന്നത്. പുതിയരാജാവായി അധികാരമേറ്റ ചാള്‍സ് മൂന്നാമന്‍ രാജവും ഭാര്യ കമീലയും ചേര്‍ന്ന് ബെക്കിങ്ഹാം പാലസില്‍ മൃതശരീരം ഏറ്റുവാങ്ങി.
എലിസബത്തി രാജ്ഞി അന്തരിച്ച ബാല്‍മോറല്‍ കൊട്ടാരത്തില്‍ നിന്ന് ആറ് മണിക്കൂറിലേറെ സഞ്ചരിച്ചാണ് വിലാപയാത്രയായി മൃതശരീരം സ്‌കോട്ലന്‍ഡ് തലസ്ഥാനമായ എഡിന്‍ബ്‌റയിയിലെത്തിച്ചത്. ഇന്നലെ വൈകീട്ട് മുതല്‍ ജൈല്‍സ് കത്തീഡ്രലില്‍ മൃതശരീരം പൊതുദര്‍ശനത്തിന് വച്ചിരുന്നു.
