പ്രധാന വാര്‍ത്തകള്‍
ചെന്നിത്തലയില്‍ പള്ളിയോടം മറിഞ്ഞ് കാണാതായ ആള്‍ക്കുവേണ്ടിയുള്ള തിരച്ചില്‍ ഇന്നും തുടരും
ചെന്നിത്തലയില്‍ പള്ളിയോടം മറിഞ്ഞ് കാണാതായ ആള്‍ക്കുവേണ്ടിയുള്ള തിരച്ചില്‍ ഇന്നും തുടരും. ചെന്നിത്തല സ്വദേശി രാകേഷിനെ കണ്ടെത്തുന്നതിന് വേണ്ടിയാണ് നാവികസേനയുടെ നേതൃത്വത്തില്‍ തിരച്ചില്‍ നടത്തുന്നത്.
അപകടത്തില്‍പ്പെട്ട രണ്ടുപേരുടെ മൃതദേഹം ഇന്നലെ ലഭിച്ചിരുന്നെങ്കിലും രാകേഷിനെ കണ്ടെത്താനായിരുന്നില്ല. ശക്തമായ അടിയൊഴുക്കാണ് പ്രതിസന്ധിയായത്. പള്ളിയോടം മറിഞ്ഞ സ്ഥലത്തുനിന്ന് ദൂരെ മാറിയായിരിക്കും ഇന്ന് തിരച്ചില്‍ നടത്തുക. അപകടകാരണം ഇനിയും വ്യക്തമാക്കാത്തതിനാല്‍ ജില്ലാ കളക്ടര്‍ മജിസ്റ്റീരിയല്‍ അന്വേഷണത്തിനും ഉത്തരവിട്ടിരുന്നു.
പള്ളിയോടത്തില്‍ ആളുകള്‍ കൂടുതല്‍ കയറിയതാണ് അപകടകാരണമെന്നാണ് റിപ്പോര്‍ട്ട്. 65 പേര്‍ക്കാണ് പള്ളിയോടത്തില്‍ കയറാന്‍ അനുമതിയുണ്ടായിരുന്നുള്ളു. എന്നാല്‍ ഇതില്‍ കൂടുതല്‍ പേര്‍ പള്ളിയോടത്തിലുണ്ടായിരുന്നു.
