സൗരയൂഥത്തിന് പുറത്തെ ഗ്രഹത്തിന്റെ ചിത്രം നേരിട്ട് പകര്‍ത്തി നാസ 

അമേരിക്ക: നാസയുടെ ജെയിംസ് വെബ് സ്പേസ് ദൂരദർശിനി സൗരയൂഥത്തിന് പുറത്തുള്ള ഒരു ഗ്രഹത്തിന്‍റെ നേരിട്ടുള്ള ചിത്രം ആദ്യമായി പകർത്തി. ‘HIP 65426 b’ എന്ന് വിളിക്കപ്പെടുന്ന ഈ ഗ്രഹം ഒരു വാതക ഭീമനാണ്. അതായത്, ഇതിന് കല്ലിന്‍റെ ഉപരിതലമില്ല, വാസയോഗ്യവുമല്ല. ഇതിന് വ്യാഴത്തിന്‍റെ ആറ് മുതൽ 12 മടങ്ങ് വരെ പിണ്ഡമുണ്ട്.

4.5 ബില്യൺ വർഷം പഴക്കമുള്ള ഭൂമിയുമായി താരതമ്യപ്പെടുത്തുമ്പോൾ ഏറ്റവും പ്രായം കുറഞ്ഞ ഗ്രഹമാണിത്. ഇതിന് ഏകദേശം 1.5 കോടി മുതൽ 20 ദശലക്ഷം വർഷം വരെ പഴക്കമുണ്ട്.

നമ്മുടെ സൗരയൂഥത്തിന് പുറത്തുള്ള ലോകങ്ങളുടെ കാഴ്ചകൾ പകർത്താനുള്ള ജെയിംസ് വെബ് ദൂരദർശിനിയുടെ കഴിവ് തെളിയിക്കുന്ന ഒരു നേട്ടമാണിത്. ഭാവിയിൽ മറ്റ് ഗ്രഹങ്ങളെക്കുറിച്ച് കൂടുതൽ വിവരങ്ങൾ വെളിപ്പെടുത്തുന്നതിലേക്ക് ഇത് നയിച്ചേക്കാമെന്നും ഈ നേട്ടം സൂചിപ്പിക്കുന്നു.