അമൃത് മഹോത്സവ് ആഘോഷ പരിപാടികള്‍ക്ക് സമാപനമായി
പീരുമേട്:പാമ്ബനാര്‍ ഗവ. ഹൈസ്‌കൂളില്‍ സ്വാതന്ത്ര്യത്തിന്റെ 75ാം വാര്‍ഷികത്തോടനുബന്ധിച്ച്‌ നടന്ന പത്ത് ദിവസം നീണ്ടുനിന്ന അമൃത് മഹോത്സവ് ആഘോഷ പരിപാടികള്‍ക്ക് സമാപനമായി.
ആഘോഷപരിപാടി ഗിന്നസ് മാടസ്വാമി ഉദ്ഘാടനം ചെയ്തു. സ്‌കൂള്‍ പിടിഎ പ്രസിഡന്റ് ബാലകൃഷ്ണന്റെ അദ്ധ്യക്ഷതയില്‍ ചേര്‍ന്ന സമാപനസമ്മേളനം പീരുമേട് എ.ഇ.ഒ. എം രമേശ് ഉദ്ഘാടനം ചെയ്ത
സ്‌കൂള്‍ ഹെഡ്മാസ്റ്റര്‍ ഇന്‍ ചാര്‍ജ് സാബു ജോസഫ് സ്വാഗതം പറഞ്ഞു. യോഗത്തില്‍ വാര്‍ഡ് മെമ്ബര്‍ സബീന മുഹമ്മദ്, മിനി കെ.വി ,അനീഷ് തങ്കപ്പന്‍, പി കെ മോളമ്മ, തുടങ്ങിയവര്‍ സംസാരിച്ചു. പത്താം ക്ലാസ് വരെയുള്ള കുട്ടികളുടെ സ്വാതന്ത്ര്യ ദിനവുമായി ബന്ധപ്പെട്ട വിവിധ കലാപരിപാടികള്‍ സംഘടിപ്പിച്ചു.
വിവിധ ദിവസങ്ങളില്‍ സ്‌കൂളില്‍ നടന്ന പരിപാടികള്‍ കരിന്തരുവി ഗവ. യുപി സ്‌കൂള്‍ ഹെഡ്മാസ്റ്റര്‍ കെ രാജന്‍, ഗ്ലെന്‍ മേരി ഗവ.എല്‍ പി സ്‌കൂള്‍ ഹെഡ്മാസ്റ്റര്‍ എം കുമാര്‍ , ലാഡ്രി ഗവ. എല്‍ പി സ്‌കൂള്‍ ഹെഡ്മിസ്ട്രസ് ആര്‍ ഡെയ്‌സി ഇമാക്കുലേറ്റ്, ചീന്തലാര്‍ ഗവ. എല്‍ പി സ്‌കൂള്‍ ഹെഡ്മാസ്റ്റര്‍ എസ് ദുരൈരാജ്, ഏലപ്പാറ ഗവ. യുപി സ്‌കൂള്‍ ഹെഡ്മാസ്റ്റര്‍ എല്‍ ശംഖിലി തുടങ്ങിയവരാണ് ഉദ്ഘാടനം ചെയ്തത്. അധ്യാപിക ജോയ്‌സ് നന്ദി പറഞ്ഞു.
