കഞ്ചാവ് വിൽപ്പന; ടുറിസ്റ്റ് ഗൈഡ് ഉൾപ്പെടെ രണ്ടു പേര്‍ അടിമാലിയില്‍ പിടിയില്‍
മൂന്നാർ : രണ്ട് കിലോയിൽ പരം ഉണക്ക കഞ്ചാവുമായി രണ്ടു പേര്‍ അടിമാലിയില്‍ പിടിയില്‍. പിടിയിലായത് മൂന്നാറിലെ ടൂറിസ്റ്റ് ഗൈഡും സഹായിയും.പ്രതികള്‍ പിടിയിലായത് വിനോദ സഞ്ചാരികള്‍ക്ക് കഞ്ചാവ് വില്‍കുന്നതിനിടെ മൂന്നാര്‍ സ്വദേശികളായ സേതുരാജ്(24), സദ്ദാം ഹുസൈന്‍(24) എന്നിവരാണ് അറസ്റ്റിലായത്. ചെറിയ പൊതികളാക്കി വിനോദ സഞ്ചാരികള്‍ക്ക് കഞ്ചാവ് നല്‍കുന്നതിനിടേയാണ് ഇവര്‍ പിടിക്കപ്പെട്ടത്. നാക്കോട്ടിക് എൻഫോഴ്‌സ്മെന്റ് സ്‌ക്വാഡ് സർക്കിൾ ഇൻസ്‌പെക്ടർ ഷൈബു പി ഇ ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ റെയ്‌ഡിൽ ആണ് ഇവരെ പിടികൂടിയത് KL69 A 4208 എന്ന നമ്പറിൽ ഉള്ള ബജാജ് INS V 15 മോഡൽ ബൈക്കും കസ്റ്റഡിയിൽ എടുത്തു, ഇവര്‍ക്ക് പിന്നില്‍ വന്‍ റാക്കറ്റ് പ്രവര്‍ത്തിക്കുന്നതായി സൂചന. പ്രിസൻറ്റീവ് ഓഫീസർമാരായ അനിൽ എം സി, അസീസ് കെ എസ്‌, സിവിൽ എക്സൈസ് ഓഫിസർമാരായ സിജുമോൻ കെ എൻ,അനൂപ് തോമസ് എന്നിവരും റെയ്‌ഡിൽ പങ്കെടുത്തു..
