പത്തു വർഷത്തിന് ശേഷം യുഎസിൽ ആദ്യമായി പോളിയോ സ്ഥിരീകരിച്ചു
ന്യൂയോർക്: കഴിഞ്ഞ 10 വർഷത്തിനുശേഷം ആദ്യമായി അമേരിക്കയിൽ പോളിയോ സ്ഥിരീകരിച്ചു. മാൻഹാട്ടനിലെ റോക് ലാൻഡ് കൗണ്ടിയിൽ താമസിക്കുന്ന വ്യക്തിക്കാണ് പോളിയോ സ്ഥിരീകരിച്ചതെന്ന് ന്യൂയോർക് സ്റ്റേറ്റ് ആരോഗ്യ വകുപ്പ് അധികൃതർ വ്യക്തമാക്കി. സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷന്റെ കണക്കനുസരിച്ച് 2013ലാണ് ഇതിനു മുമ്പ് യുഎസിൽ പോളിയോ സ്ഥിരീകരിച്ചത്.
അമേരിക്കയിൽ, 2000 ൽ, പോളിയോ വാക്സിൻ വായിലൂടെ നൽകുന്നത് നിർത്തി. പോളിയോ വൈറസ് പ്രധാനമായും അഞ്ച് വയസ്സിന് താഴെയുള്ള കുട്ടികളെയാണ് ബാധിക്കുന്നത്. വാക്സിനേഷൻ ഉൾപ്പെടെയുള്ള ആഗോളതലത്തിൽ അതിനെ ഭൂമിയിൽ നിന്ന് തുടച്ചുനീക്കാനുള്ള ശ്രമങ്ങൾ നടന്നിട്ടുണ്ട്. പോളിയോ 125 രാജ്യങ്ങളിലേക്ക് വ്യാപിച്ചു. ലോകത്താകമാനം 3,50,000 ലധികം കേസുകൾ റിപ്പോർട്ട് ചെയ്തിട്ടുണ്ട്.
1988 മുതൽ കേസുകളുടെ എണ്ണത്തിൽ 90 ശതമാനം കുറവുണ്ടായി. അഫ്ഗാനിസ്ഥാനിലും പാകിസ്ഥാനിലും പോളിയോ കേസുകൾ റിപ്പോർട്ട് ചെയ്തിട്ടുണ്ട്. ലണ്ടനിലെ മലിനജല സാമ്പിളുകളിൽ വാക്സിനുകളിൽ നിന്ന് ഉരുത്തിരിഞ്ഞ ഒരു തരം പോളിയോ വൈറസ് കണ്ടെത്തിയതായി ലോകാരോഗ്യ സംഘടനയും ബ്രിട്ടീഷ് ആരോഗ്യ ഉദ്യോഗസ്ഥരും കഴിഞ്ഞ മാസം വ്യക്തമാക്കിയിരുന്നു.
