പ്രധാന വാര്‍ത്തകള്‍
തെങ്ങിനെ നശിപ്പിക്കുന്ന ഡോര്‍ഫോ ഇനത്തിലുള്ള കീടങ്ങള്‍ മുട്ടത്തുള്ള കര്‍ഷകന്റെ പറമ്ബിലെ തെങ്ങില്‍ കണ്ടെത്തി
മുട്ടം: തെങ്ങിനെ നശിപ്പിക്കുന്ന ഡോര്‍ഫോ ഇനത്തിലുള്ള കീടങ്ങള്‍ മുട്ടത്തള്ള കര്‍ഷകന്റെ പറമ്ബിലെ തെങ്ങില്‍ കണ്ടെത്തി.മുട്ടം ഇടപ്പള്ളി കവളക്കാട്ട് ബോബി ജോര്‍ജിന്റെ കൃഷിയിടത്തിലെ തെങ്ങിലാണ് കീടങ്ങളെ കണ്ടെത്തിയത്.ഇന്നലെ രാവിലെയാണ് ബോബിയുടെ ശ്രദ്ധയില്‍പെട്ടത്.ഒരു തെങ്ങിന്റെ മുഴുവന്‍ കുലയും കീടത്തിന്റെ ആക്രമണത്തില്‍ നശിച്ചു.സമീപത്തുള്ള മറ്റ് കര്‍ഷകരും ആശങ്കയിലാണ്.
കായംകുളം ഭാഗത്താണ് ഡോര്‍ഫോ ഇനത്തിലുള്ള കീടങ്ങളെ കാണാറുള്ളതെന്ന് മുട്ടം കൃഷി ഓഫീസര്‍ പറഞ്ഞു.കുറിയ ഇനം തെങ്ങിനെയാണ് ഇത് കൂടുതലായി ബാധിക്കുന്നത്.സാധാരണയുള്ള കീടങ്ങളെ നിയന്ത്രിക്കാനുള്ള മരുന്ന് പ്രയോഗിച്ചാല്‍ മതി.പ്രശ്‌നമുള്ള സ്ഥലത്ത് ഇന്ന് നേരിട്ട് ചെന്ന് കൂടുതലായിട്ടുള്ള ശാസ്ത്രീയ പരിശോധനകള്‍ നടത്തുമെന്നും കൃഷി ഓഫീസര്‍ പറഞ്ഞു.
