ചന്ദര്‍പോള്‍ ഇനി പരിശീലകന്‍; പുതിയ ദൗത്യം ഈ ടീമിനൊപ്പം
വിഖ്യാത വെസ്റ്റ് ഇന്‍ഡീസ് ക്രിക്കറ്റ് താരം ശിവ്‌നരെയിന്‍ ചന്ദര്‍പോള്‍ ഇനി പരിശീലകന്‍. അമേരിക്കയുടെ സീനിയര്‍-അണ്ടര്‍ 19 വനിതാ ടീമുകളുടെ മുഖ്യപരിശീലകനായാണ് ചന്ദര്‍പോളിന്റെ നിയമനം.
ഇക്കാര്യത്തില്‍ ഔദ്യോഗിക പ്രഖ്യാപനവുമെത്തി.
ഒന്നരവര്‍ഷത്തെ കരാറിലാണ് ചന്ദര്‍പോളിന്റെ നിയമനം. എന്നാല്‍ പുതിയ ദൗത്യത്തില്‍ ചന്ദര്‍പോള്‍ ആദ്യം നേരിടേണ്ടത് സ്വന്തം ടീമിനെത്തെന്നെയാണ്. നാളെ തുടങ്ങുന്ന റൈസിങ് സ്റ്റാര്‍സ് ടി20 ചാമ്ബ്യന്‍ഷിപ്പിനായി അമേരിക്കയുടെ അണ്ടര്‍ 19 ടീം വെസ്റ്റ് ഇന്‍ഡീസിലെത്തിക്കഴിഞ്ഞു. ചന്ദര്‍പോള്‍ ഇവിടെ ടീമിനൊപ്പം ചേരുമെന്നാണ് സൂചന.
വെസ്റ്റ് ഇന്‍ഡിസീന്റെ എക്കാലത്തേയും മികച്ച താരങ്ങളിലൊരാളായാണ് ചന്ദര്‍പോളിനെ വാഴ്ത്തുന്നത്. ടെസ്റ്റില്‍ 10,00 റണ്‍സ് നേടിയ താരങ്ങളിലൊരാളാണ് ചന്ദര്‍പോള്‍. 164 ടെസ്റ്റിലും 268 ഏകദിനങ്ങളിലും വെസ്റ്റ് ഇന്‍ഡീസിനെ പ്രതിനിധീകരിച്ചിട്ടുണ്ട് ചന്ദര്‍പോള്‍.
