ഹയർ സെക്കൻഡറി പരീക്ഷയിൽ എല്ലാ വിഷയങ്ങൾക്കും എ.പ്ലസ്. നേടിയ വിദ്യാർഥികളെ  ആദരിച്ചു

കട്ടപ്പന: മാതൃഭൂമിയും ഇമിഗ്രിന്റ് അക്കാദമിയും ചേർന്ന് ഹയർസെക്കൻഡറി പരീക്ഷയിൽ എല്ലാ വിഷയങ്ങൾക്കും എ.പ്ലസ്. നേടിയ വിദ്യാർഥികളെ ആദരിച്ചു. ശനിയാഴ്ചരാവിലെ 9.30 ന് കട്ടപ്പന സെന്റ് ജോർജ്ജ് ഹയർ സെക്കൻഡറി സ്‌കൂളിൽ നടന്ന ചടങ്ങ് ജില്ലാ വികസന കമ്മീഷണർ അർജുൻ പാണ്ഡ്യൻ ഐ.എ.എസ്. ഉദ്ഘാടനം ചെയ്തു. സിവിൽ സർവീസുമായി ബന്ധപ്പെട്ട് വിദ്യാർഥികളുടെ ചോദ്യങ്ങൾക്ക് അദേഹം ഉത്തരം നൽകി. 

വിദേശത്തെ പoനവും അവസരങ്ങളും സംബന്ധിച്ച് ഇമിഗ്രിന്റ് അക്കാദമി എം.ഡി. സിനു മുകുന്ദൻ , ജെബിൻ ജെയിംസ്, ആൽബർട്ട് സെബാസ്റ്റ്യൻ എന്നിവർ ക്ലാസുകൾ നയിച്ചു.വിജയികൽക്ക് മെഡലും,സർട്ടിഫിക്കറ്റും മാതൃഭൂമിയുടെ ഉപഹാരവും ഇടുക്കി ആർ.ഡി.ഒ.കെ.എം.ഷാജി വിതരണം ചെയ്തു. മാതൃഭൂമി സർക്കുലേഷൻ പ്രതിനിധികളായ സി.എസ്. ആനന്ദ്, കെ.സതീഷ്, പി.ബി. പ്രദീപ് എന്നിവർ സംസാരിച്ചു