ബഫര്‍ സോണ്‍ വിധിയില്‍ പ്രതികരണവുമായി വനം മന്ത്രി എകെ ശശീന്ദ്രന്‍
ബഫര്‍ സോണ്‍ വിധിയില്‍ പ്രതികരണവുമായി വനം മന്ത്രി എകെ ശശീന്ദ്രന്‍. കേന്ദ്ര എംപവര്‍ കമ്മറ്റി മുഖാന്തിരം കേന്ദ്ര സര്‍ക്കാരിലൂടെ സുപ്രിംകോടതിയെ സമീപിക്കാമെന്നാണ് എന്ന് സുപ്രിംകോടതി തന്നെ പറഞ്ഞിട്ടുണ്ട്.
അതിനാല്‍ ഈ വഴിയിലൂടെ സഞ്ചരിച്ച്‌ പരിഹാരം കാണാന്‍ കഴിയുമെന്ന് പ്രതീക്ഷിക്കുന്നതായും വനം മന്ത്രി പറഞ്ഞു. 1 കിലോമീറ്റര്‍ ബഫര്‍ സോണ്‍ എന്നായിരുന്നു സുപ്രിംകോടതി നിര്‍ദ്ദേശം.
“വിധിന്യായത്തിന് എതിരായി സുപ്രിംകോടതിയെ സമീപിക്കുക എന്നാണ് ഒരു വഴി. അത് ആലോചിച്ചപ്പോള്‍ അങ്ങനെ ഒരു വഴിയുണ്ട് എന്നാണ് ഇപ്പോഴത്തെ നിഗമനം. രണ്ടാമത്തെ വഴി ബഹുമാനപ്പെട്ട സുപ്രിംകോടതി തന്നെ നിര്‍ദ്ദേശിച്ചിട്ടുള്ള വഴിയാണ്.
സുപ്രിംകോടതി പറഞ്ഞിട്ടുള്ളത് ഈ വിഷയവുമായി ബന്ധപ്പെട്ട് ആവലാതികള്‍ ഉള്ളവര്‍ക്ക്, വ്യക്തികളായാലും സംസ്ഥാന സര്‍ക്കാരുകളായാലും തദ്ദേശ സ്വയംഭരണ സ്ഥാപനങ്ങളായാലും കേന്ദ്ര എംപവര്‍ കമ്മറ്റി മുഖാന്തിരം കേന്ദ്ര സര്‍ക്കാരിലൂടെ സുപ്രിംകോടതിയെ സമീപിക്കാമെന്നാണ്.
ഈ വഴി കോടതി തന്നെ കാണിച്ചുതന്നതിനാല്‍ ആ വഴിയിലൂടെ സഞ്ചരിച്ച്‌ പരിഹാരം കാണാന്‍ കഴിയുമെന്ന് സംസ്ഥാന സര്‍ക്കാര്‍ പ്രതീക്ഷിക്കുന്നു. ഇതിനായി ആവശ്യമായ നടപടികള്‍ സ്വീകരിക്കണമെന്ന കത്തുകള്‍ അയച്ചുകഴിഞ്ഞു.”- മന്ത്രി വാര്‍ത്താസമ്മേളനത്തില്‍ പറഞ്ഞു.
