ഏകലവ്യ മോഡൽ റെസിഡൻഷ്യൽ സ്കൂളിൽ ഈ വർഷത്തെ വായനദിനവും വായനമാസാചരണവും പി എൻ പണിക്കർ അനുസ്മരണവും ആചരിച്ചു

പൈനാവ് : ഏകലവ്യ മോഡൽ റെസിഡൻഷ്യൽ സ്കൂളിൽ ഈ വർഷത്തെ വായനദിനവും വായനമാസാചരണവും പി എൻ പണിക്കർ അനുസ്മരണവും വിവിധ പരിപാടികളോട് ആചരിച്ചു. ഹെഡ് മിസ്സ്‌ട്രെസ് ജെസ്സിമോൾ എ ജെ ഉദ്ഘാടനം ചെയ്തു. വായനയുടെ പ്രാധാന്യത്തെക്കുറിച്ചുള്ള ചാർട്ട് പ്രദർശനവും കാവ്യാലാപനവും പരിപാടികളുടെ ഭാഗമായി നടന്നു. സ്കൂൾ ലീഡർ അഞ്ജിതകുഞ്ഞികുട്ടൻ വായനദിന പ്രതിജ്ഞ ചൊല്ലി കൊടുത്തു. സ്കൂൾ അധ്യാപകൻ ശ്രീജിത്ത്‌.

പി സ്വാഗതം പറഞ്ഞ ചടങ്ങിൽ സീനിയർ സൂപ്രണ്ട് വർഗീസ് ഇ ഡി മുഖ്യപ്രഭാഷണം നടത്തി.അധ്യാപകൻ മനോജ്‌കുമാർ വായനദിന സന്ദേശം നൽകി. അധ്യാപകരായ മുരളികൃഷ്ണ, ധന്യാ മാത്യു എന്നിവർ ആശംസകളർപ്പിച്ചു.ലിഖി യ മോഹനൻ നന്ദി പറഞ്ഞു. എല്ലാ കുട്ടികൾക്കും പങ്കാളിത്തം നൽകികൊണ്ട് വായന മാസാചാരണവുമായി ബന്ധപ്പെട്ട് വിവിധപരിപാടികൾ സംഘടിപ്പിക്കാനും തീരുമാനിച്ചു.