ഇടുക്കി
മദ്യലഹരിയിലുണ്ടായ വാക്ക് തര്‍ക്കത്തിനിടെ ജേഷ്ഠന്‍ അനുജനെ കുത്തി പരുക്കേല്‍പ്പിച്ചു.
കട്ടപ്പന: കാഞ്ചിയാര്‍ ലബ്ബക്കട ആലപ്പാട്ട്പടി പടിഞ്ഞാറേക്കര സൈബിച്ചനാണ് (40) കുത്തേറ്റത്. കഴുത്തില്‍ കുത്തേറ്റതിനെ തുടര്‍ന്ന് ഇയാളെ കോട്ടയത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഇയാളുടെ സഹോദരന്‍ സോണിയെ (43) കട്ടപ്പന പോലീസ് അറസ്റ്റ് ചെയ്ത് റിമാന്‍ഡ് ചെയ്തു. ഇയാള്‍ക്കെതിരെ വധ ശ്രമത്തിനു കേസെടുത്തതായി പോലീസ് പറഞ്ഞു. ചൊവ്വാഴ്ച്ച അര്‍ധരാത്രിയിലായിരുന്നു സംഭവം. മദ്യലഹരിയിലായിരുന്ന സൈബിച്ചനും സോണിയും തമ്മില്‍ പുരയിടത്തിലെ ഏലം നശിപ്പിച്ചതുമായി ബന്ധപ്പെട്ട് തര്‍ക്കമുണ്ടായി. ഇതിനിടെ സോണി സൈബിച്ചനെ കത്തി ഉപയോഗിച്ച് കഴുത്തിനു കുത്തി പരുക്കേല്‍പ്പിക്കുകയായിരുന്നു. കട്ടപ്പന എസ്.ഐ കെ. ദിലീപ് കുമാറിന്റെ നേതൃത്വത്തിലായിരുന്നു അറസ്റ്റ്.
