കട്ടപ്പന പാറക്കടവില്‍ കാറും സ്‌കൂട്ടറും കൂട്ടിയിടിച്ച് അപകടം
കട്ടപ്പന : സംസ്ഥാന പാതയിൽ പാറക്കടവിൽ സ്കൂട്ടറിന് പിന്നിൽ കാറിടിച്ചുണ്ടായ അപകടത്തിൽ സ്കൂട്ടർ യാത്രികനായ വ്യാപാരിക്ക് ഗുരുതരമായി പരിക്കേറ്റു.കട്ടപ്പന ഇടുക്കികവല വേഴേക്കൊമ്പിൽ ഫിലിപ്പോസ് ( മോനിച്ചൻ) നാണ് പരിക്കേറ്റത്. ഞായറാഴ്ച്ച വൈകിട്ട് 5 മണിയോടെയാണ് അപകടം നടന്നത്. സുഹൃത്തിന്റെ ഗൃഹപ്രവേശ ചടങ്ങിൽ പങ്കെടുക്കാനായി പോകുന്ന വഴി പാറക്കടവിൽ നിന്ന് ബൈപ്പാസ് റോഡിലേയ്ക്ക് തിരിയാൻ ശ്രമിക്കുന്നതിനിടെ പിന്നിൽ നിന്നു വന്ന മാരുതി എർട്ടിഗ കാർ സ്കൂട്ടർ ഇടിച്ചു തെറിപ്പിക്കുകയായിരുന്നു. ഇടിയുടെ ആഘാതത്തിൽ റോഡിൽ തലയിടിച്ചു വീണ ഇദ്ദേഹത്തെ സമീപത്തുണ്ടായിരുന്ന യുവാക്കൾ ചേർന്നാണ് ആശുപത്രിയിൽ എത്തിച്ചത്. തലയ്ക്കേറ്റ ഗുരുതര പരിക്കിനെ തുടർന്ന് വിദഗ്ദ്ധ ചികിത്‌സയ്ക്കായി ഇദ്ദ്ദേഹത്തെ പാലായിലെ സ്വകാര്യ ആശുപത്രിയിലേയ്ക്ക് മാറ്റി. ഇടുക്കി കവലയിൽ വ്യാപാര സ്ഥാപനം നടത്തുന്നയാളാണ് മോനിച്ചൻ. അപകടമുണ്ടാക്കിയ കാർ ഡ്രൈവറെ പൊലീസ് കസ്റ്റഡിയിൽ എടുത്തു. ഇയാൾ മദ്യപിച്ചിരുന്നതായി വൈദ്യ പരിശോധനയിൽ തെളിഞ്ഞു. അപകടത്തെ തുടർന്ന് അരമണിക്കൂറോളം ഗതാഗതം തടസ്സപ്പെട്ടു.
