പ്രധാന വാര്‍ത്തകള്‍
പട്ടാപ്പകല്‍ നടുറോഡില്‍ യുവതിയുടെ മാല പൊട്ടിച്ചുകടന്ന യുവാക്കളില്‍ രണ്ടാമനെ തമിഴ്നാട്ടില്‍നിന്ന് കുമളി പൊലീസ് അറസ്റ്റ് ചെയ്തു
കുമളി: പട്ടാപ്പകല്‍ നടുറോഡില്‍ യുവതിയുടെ മാല പൊട്ടിച്ചുകടന്ന യുവാക്കളില്‍ രണ്ടാമനെ തമിഴ്നാട്ടില്‍നിന്ന് കുമളി പൊലീസ് അറസ്റ്റ് ചെയ്തു.
തിരുപ്പൂര്‍, റാക്കിയ പാളയം സ്വദേശി നൗഫലാണ് (22) അറസ്റ്റിലായത്. നിരവധി മോഷണം പിടിച്ചുപറി കേസുകളിലെ പ്രതിയാണ് നൗഫല്‍. കഴിഞ്ഞമാസം 27നാണ് അമരാവതി സ്വദേശി രാജി ലിജോയുടെ കഴുത്തില്‍നിന്ന് ബൈക്കിലെത്തിയ സംഘം മാല പൊട്ടിച്ചുകടന്നത്. സംഭവത്തില്‍ കേസെടുത്ത് അന്വേഷണം ആരംഭിച്ച പൊലീസ് സംഘം തിരുപ്പൂര്‍ സ്വദേശിയും നിരവധി കേസുകളിലെ പ്രതിയുമായ സൂര്യയെ (25) ദിവസങ്ങള്‍ക്ക് മുമ്ബ് അറസ്റ്റ് ചെയ്തിരുന്നു.
ഇയാള്‍ നല്‍കിയ വിവരത്തെ തുടര്‍ന്നാണ് നൗഫലിനെ അറസ്റ്റ് ചെയ്തത്. ഇന്‍സ്പെക്ടര്‍ ജോബിന്‍ ആന്‍റണി, എസ്.ഐ സന്തോഷ് സജീവ് എന്നിവരുടെ നേതൃത്വത്തിലാണ് പിടികൂടിയത്. മൂന്നാമനുവേണ്ടി അന്വേഷണം പുരോഗമിക്കുകയാണ്.
