Idukki വാര്‍ത്തകള്‍
ചന്ദന ശില്‍പവുമായി 3പേരെ വനപാലകര്‍ പിടികൂടി
പീരുമേട്:ചന്ദന ശില്‍പവുമായി 3പേരെ വനപാലകര്‍ പിടികൂടി. വണ്ടിപ്പെരിയാര്‍ അരണക്കല്‍ എസ്റ്റേറ്റിലെ ഇല്യാഷ് ഡിവിഷനില്‍ താമസിക്കുന്ന അന്തോണി സ്വാമി (51), മകന്‍ ഹര്‍ഷവര്‍ദ്ധന്‍ (21), ശബരിമല എസ്റ്റേറ്റില്‍ സത്രം പുതുവലില്‍ താമസിക്കുന്ന രാജ (22) എന്നിവരാണ് അറസ്റ്റിലായത്.
ഇവരില്‍ നിന്ന് 876 ഗ്രാം തൂക്കമുള്ള ഒരുദേവി ശില്‍പമാണ് കണ്ടെടുത്തത്. ഇവര്‍ സഞ്ചരിച്ചിരുന്ന 2 ഓട്ടോറിക്ഷകളും കസ്റ്റഡിയിലെടുത്തു.
ചെല്ലാര്‍കോവില്‍ സെക്ഷന്‍ഫോറസ്റ്റ് ഓഫീസര്‍ വി.കെ.വിനോദ്,ഫോറസ്റ്റ് ഓഫീസര്‍മാരായ ജെ.വിജയകുമാര്‍, എ.മനോജ് കുമാര്‍, ഷിന്റോതോമസ്, ബീറ്റ്‌ഫോറസ്റ്റ് ഓഫീസര്‍മാരായ കെ.അനില്‍കുമാര്‍, എഡ്വിന്‍ കിംഗ്‌സിലി, വാച്ചര്‍ ഷൈജുമോന്‍ എന്നിവര്‍ചേര്‍ന്നാണ് ഇവരെ പിടികൂടിയത്.
