പ്രധാന വാര്‍ത്തകള്‍
മലപ്പുറത്തുനിന്നും വാഗമണ്ണിലേക്ക് പുറപ്പെട്ട ടൂറിസ്റ്റ് ബസ് മറിഞ്ഞു; നിരവധി വിദ്യാര്‍ഥിനികള്‍ക്ക് പരുക്ക്..
അകമല ധര്‍മശാസ്താ ക്ഷേത്രത്തിന് സമീപം ടൂറിസ്റ്റ് ബസ് താഴ്ചയിലേക്കു മറിഞ്ഞ് വിദ്യാര്‍ഥിനികള്‍ക്ക് പരുക്ക്. മലപ്പുറം പാണ്ടിക്കാട്ടില്‍ നിന്ന് വിദ്യാര്‍ഥിനികളുമായി വാഗമണ്ണിലേക്കു പോവുകയായിരുന്ന ബസാണ് 20 അടി താഴ്ചയിലേക്ക് മറിഞ്ഞത്. രാവിലെ ഏഴരയോടെയാണ് സംഭവം. പരുക്കേറ്റ മുപ്പതോളം വിദ്യാര്‍ഥിനികളെ ജില്ലാ ആശുപത്രിയിലും മെഡിക്കല്‍ കോളജിലും പ്രവേശിപ്പിച്ചു. അതേ സമയം ആരുടേയും പരുക്ക് ഗുരുതരമല്ല. പെരിന്തല്‍മണ്ണ ആനമങ്ങാട് അറബിക് കോളജിലെ വിദ്യാര്‍ഥിനികളായിരുന്നു ബസിലുണ്ടായിരുന്നത്. അപകട കാരണം വ്യക്തമല്ല.
