25 ഗ്രാം ഉണക്ക കഞ്ചാവ് കണ്ടെടുത്തു : ജസിം അക്തർ എന്നയാൾ അറസ്റ്റിൽ

ബോഡിമെട്ട് എക്‌സൈസ് ചെക്ക്പോസ്റ്റിൽ ഉടുമ്പൻചോല എക്സൈസ് സർക്കിൾ ഇൻസ്‌പെക്ടർ കെ സന്തോഷ്‌കുമാറിന്റെ നേതൃത്വത്തിൽ നടത്തിയ സംയുക്ത പരിശോധനയിൽ ചെക്ക്പോസ്റ്റ് വഴി തമിഴ്നാട് ഭാഗത്ത്‌ നിന്നും വന്ന മലപ്പുറം ജില്ലയിൽ, തിരുരങ്ങാടി താലൂക്കിൽ, കണ്ണമംഗലം വില്ലേജിൽ, തോട്ടുശ്ശേരി യറ കരയിൽ, ചുള്ളിയൻ വീട്ടിൽ, മുനീർ മകൻ, ജസിം അക്തർ (24) എന്നയാളുടെ പക്കൽ നിന്നും 25 ഗ്രാം ഉണക്കഗഞ്ചാവ് കണ്ടെടുത്ത് ഒരു എൻഡിപിഎസ് കേസ് എടുത്തു.

പരിശോധനയിൽ ഉടുമ്പൻചോല സർക്കിൾ ഓഫീസിലെ പ്രിവന്റീവ് ഓഫീസർമാരായ കെ എൻ രാജൻ, കെ ആർ ശശികുമാർ,  ഗ്രേഡ് പ്രിവന്റീവ് ആഫീസർ ഷനേജ്, സിവിൽ എക്‌സൈസ് ഓഫീസർമാരായ അരുൺരാജ്, നൗഷാദ്, റോണി ആന്റണി, എക്സൈസ് ഡ്രൈവർ ഷിബു ജോസഫ്,ബോഡിമെട്ട് എക്‌സൈസ് ചെക്ക്പോസ്റ്റിലെ പ്രിവന്റീവ് ഓഫീസർ സജി കെ ജോസഫ്,പ്രിവന്റീവ് ഓഫീസർ ഗ്രേഡ് ഷാജി .എം. കെ, വിഷ്ണു ,രാഹുൽ എന്നിവർ പങ്കെടുത്തു.