സൗദിയിൽ ചെറിയ പെരുന്നാൾ തിങ്കളാഴ്ച

റിയാദ്: സൗദി അറേബ്യയിൽ ചെറിയ പെരുന്നാൾ തിങ്കളാഴ്ച ആയിരിക്കും. എവിടെയും മാസപ്പിറവി കാണാത്തതിനാലാണ് തിങ്കളാഴ്ച ചെറിയ പെരുന്നാൾ ആയിരിക്കുമെന്ന് ഔദ്യോഗിക അറിയിപ്പ് വന്നത്. ഒമാൻ ഒഴികെയുള്ള മറ്റ് ഗൾഫ് രാജ്യങ്ങളിലും ചെറിയ പെരുന്നാൾ തിങ്കളാഴ്ച ആയിരിക്കും. സൗദി അറേബ്യയിലെ തുമൈർ, ഹോത്ത, സുദൈർ, തായിഫ് എന്നീ സ്ഥലങ്ങളിൽ മാസപ്പിറവി നിരീക്ഷകർ രംഗത്തുണ്ടായിരുന്നെങ്കിലും എവിടെയും മാസപ്പിറവി ദൃശ്യമായില്ല. ഇതോടെയാണ് തിങ്കളാഴ്ച ചെറിയ പെരുന്നാൾ ആയിരിക്കുമെന്ന് ഉറപ്പിച്ചത്. എന്നാൽ ഇതു സംബന്ധിച്ച് സുപ്രീം കോടതിയുടെയും റോയൽ കോർട്ടിന്‍റെയും അറിയിപ്പുകൾ വൈകാതെ പുറത്തുവന്നേക്കും. മാസപ്പിറവി ദൃശ്യമാകാത്തതിനാൽ യുഎഇയിലും ചെറിയ പെരുന്നാൾ തിങ്കളാഴ്ച ആയിരിക്കുമെന്ന് യു എ ഇ മൂൻ സൈറ്റിങ് കമ്മിറ്റി അറിയിച്ചു.