പ്രധാന വാര്‍ത്തകള്‍
ജാഗ്രതൈ! ഇന്ന് മുതൽ മാസ്‌ക് ഇല്ലാത്തവരെ പിടിക്കാൻ വീണ്ടും പൊലീസിറങ്ങുന്നു..
തിരുവനന്തപുരം: സംസ്ഥാനത്ത് പൊതുസ്ഥലങ്ങളിലും തൊഴിലിടങ്ങളിലും വീണ്ടും മാസ്‌ക് നിര്‍ബന്ധമാക്കി സര്‍ക്കാര്‍ ഉത്തരവിറക്കിയതിന് പിന്നാലെ പരിശോധന ശക്തമാക്കാന്‍ പൊലീസ്. ഇന്ന് മുതല്‍ പൊലീസ് പരിശോധന ശക്തമാക്കുമെന്നാണ് റിപ്പോര്‍ട്ട്. ഇതു സംബന്ധിച്ച് ജില്ലാ പൊലീസ് മേധാവികള്‍ക്ക് നിര്‍ദേശം നല്‍കിയിട്ടുണ്ട്.
രാജ്യത്തിന്റെ വിവിധ ഭാഗങ്ങളില്‍ വീണ്ടും കോവിഡ് വര്‍ധിച്ചുവരുന്ന സാഹചര്യത്തിലാണ് നടപടി. ദുരന്ത നിവാരണ നിയമ പ്രകാരമാണ് പുതിയ തീരുമാനം. എന്നാല്‍ എത്ര രൂപയാണ് പിഴയെന്ന് ഉത്തരവില്‍ പറയുന്നില്ല.
