കേരള പൊലീസ്‌ അസോസിയേഷൻ ജില്ലാ സമ്മേളനം തുടങ്ങി

കട്ടപ്പന :കേരള പൊലീസ് അസോസിയേഷൻ ജില്ലാ സമ്മേളനം കട്ടപ്പനയിൽ തുടങ്ങി. കട്ടപ്പന സെന്റ് ജോർജ് പാരിഷ് ഹാളിൽ സമ്മേളനത്തിന്റെ ഭാഗമായുള്ള കുടുംബസംഗമം എം എം മണി എംഎൽഎ ഉദ്ഘാടനം ചെയ്‌തു. കേരള പൊലീസ് അസോസിയേഷൻ ജില്ലാ പ്രസിഡന്റ്‌ ടി എം ബിനോയി അധ്യക്ഷനായി. പീരുമേട്‌ ഡിവൈഎസ്‌പി സി സനിൽ കുമാർ മുഖ്യാതിഥിയായി. അസോസിയേഷൻ മുൻ ജില്ലാ സെക്രട്ടറി ജോസഫ് കുര്യൻ, വിവിധ മേഖലകളിൽ പ്രതിഭകളായ പൊലീസ് ഉദ്യോഗസ്ഥർ, കായിക മത്സരങ്ങളിലെയും മൊബൈൽ ഫോട്ടോഗ്രാഫി മത്സരത്തിലെ വിജയികളെയും ആദരിച്ചു.

കട്ടപ്പന ഡിവൈഎസ്‌പി വി നിഷാദ്‌മോൻ, അസോസിയേഷൻ സംസ്ഥാന ജനറൽ സെക്രട്ടറി കെ പി പ്രവീൺ, സംസ്ഥാന വൈസ് പ്രസിഡന്റ് കെ പി അഭിജിത്‌, സ്‌പെഷ്യൽ ബ്രാഞ്ച്‌ ഡിവൈഎസ്‌പി ആർ സന്തോഷ്‌കുമാർ, ജില്ലാ പൊലീസ്‌ സഹകരണസംഘം പ്രസിഡന്റ്‌ കെ എസ്‌ ഔസേഫ്‌, കെപിഒഎ ജില്ലാ പ്രസിഡന്റ്‌ വി സി വിഷ്‌ണുകുമാർ, സെക്രട്ടറി പി കെ ബൈജു, കട്ടപ്പന എസ്‌എച്ച്‌ഒ വിശാൽ ജോൺസൻ, കാവൽ കൈരളി എഡിറ്റർ സനൽ ചക്രപാണി, അസോസിയേഷൻ സംസ്ഥാന നിർവാഹക സമിതിയംഗം ആർ ബൈജു, ജില്ലാ ട്രഷറർ അഖിൽ വിജയൻ എന്നിവർ സംസാരിച്ചു.

അസോസിയേഷൻ ജില്ലാ സെക്രട്ടറി ഇ ജി മനോജ്‌കുമാർ സ്വാഗതവും സ്വാഗതസംഘം കൺവീനർ ഡി സതീഷ്‌ നന്ദിയും പറഞ്ഞു.
തുടർന്ന് കലാഭവൻ പ്രജോദും സംഘവും നയിക്കുന്ന സ്റ്റേജ് ഷോയും പൊലീസ്‌ ഉദ്യോഗസ്ഥരുടെ കലാപരിപാടികളും നടന്നു. ചൊവ്വ രാവിലെ ഒമ്പതിന് പൊതുസമ്മേളനം മന്ത്രി റോഷി അഗസ്റ്റിനും 1.30ന് പ്രതിനിധി സമ്മേളനം ജില്ലാ പൊലീസ് മേധാവി ആർ കറുപ്പസാമിയും ഉദ്ഘാടനംചെയ്യും.