കാലാവസ്ഥ
ചുട്ടുപൊള്ളി കേരളം; ആറ് ജില്ലകളിൽ താപനില 40 ഡിഗ്രി സെല്‍സ്യസ് വരെ എത്തിയേക്കാം
കൊല്ലം, ആലപ്പുഴ, കോട്ടയം , തൃശൂര്‍, കോഴിക്കോട്, കണ്ണൂര്‍ ജില്ലകളില്‍ ഇന്ന് താപനില നാല്‍പ്പത് ഡിഗ്രി സെല്‍സ്യസ് വരെ എത്താനിടയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. നിലവിലെ താപനിലയില്‍ മൂന്നു ഡിഗ്രിവരെ കൂടാമെന്നാണ് മുന്നറിയിപ്പ്. കോട്ടയം, കൊല്ലം ജില്ലകളില്‍ 37ഉം, തൃശൂരില്‍ 38ഉം ഡിഗ്രി സെല്‍സ്യസ് വരെ ചൂട് ഇപ്പോള്‍ തന്നെ രേഖപ്പെടുത്തിയിട്ടുണ്ട്. കേരളത്തിന് മുകളില്‍ മേഘാവരണം ഇല്ലാത്തതും വരണ്ട അന്തരീക്ഷനിലയും ഉള്ളതിനാലാണ് ചൂട് കൂടുന്നത്. ജനങ്ങള്‍ ജാഗ്രതപാലിക്കണമെന്നും നിര്‍ദേശം പുറപ്പെടുവിച്ചിട്ടുണ്ട്
