വേനൽ ചൂട്;തിങ്കളാഴ്ച മുതൽ റേഷൻ കടകളുടെ പ്രവർത്തനസമയം മാറും

തിരുവനന്തപുരം∙ സംസ്ഥാനത്തെ റേഷൻ കടകളുടെ സമയം തിങ്കളാഴ്ച മുതൽ മാറുമെന്നു മന്ത്രി ജി.ആർ.അനിൽ അറിയിച്ചു. രാവിലെ 8 മുതൽ 12 വരെയും വൈകിട്ട് 4 മുതൽ 7 വരെയും ആകും ഇനി കടകളുടെ പ്രവർത്തനം. നിലവിൽ രാവിലെ 8.30 മുതൽ 12.30 വരെയും വൈകിട്ട് 3.30 മുതൽ 6.30 വരെയുമായിരുന്നു പ്രവർത്തന സമയം.

വേനൽ ചൂട് വർധിക്കുന്നത് അടക്കമുള്ള കാര്യങ്ങൾ പരിഗണിച്ചാണു സമയമാറ്റം. പുതിയ സമയക്രമമനുസരിച്ച് റേഷൻ കടകളിൽനിന്ന് സാധനങ്ങൾ വാങ്ങാൻ ഉപഭോക്താക്കൾ ശ്രദ്ധിക്കണെന്നു മന്ത്രി അറിയിച്ചു.

English Summary: Time change of Ration Shops from Monday