ശനിയാഴ്ച രാത്രി മുതൽ വണ്ടിപ്പെരിയാർപശുമലയിൽ നിന്നും കാണാതായ യുവാവിനെ പഞ്ചായത്ത് കുളത്തിൽ മരിച്ച നിലയിൽ കണ്ടെത്തി
വണ്ടിപ്പെരിയാർ : പശുമല എസ്റ്റേറ്റിൽ നിന്നും കഴിഞ്ഞ ശനിയാഴ്ച രാത്രി മുതൽ കാണാതായ ആരോഗ്യദാസിന്റെയും സഹായമേരിയുടെയും മൂത്തമകൻ രൂപൻ ( 24 )നെ പഞ്ചായത്ത് കുളത്തിൽ മരിച്ച നിലയിൽ കണ്ടെത്തി .. രണ്ടു ദിവസമായി പ്രദേശവാസികൾ പലസ്ഥലങ്ങളിലും തെരച്ചിൽ നടത്തിയെങ്കിലും കണ്ടെത്താനായില്ല.
തിങ്കളാഴ്ച രാവിലെ 11 മണിയോടുകൂടി ജോലിക്കെത്തിയ തൊഴിലാളികളാണ് പ്രദേശത്തെ പഞ്ചായത്ത് കുളത്തിൽ രൂപന്റെ മൃതദേഹം കാണുന്നത് തുടർന്ന് വണ്ടിപ്പെരിയാർ പോലീസിൽ വിവരം അറിയിച്ചു. പോലീസ് സ്ഥലത്തെത്തി ഇൻക്വസ്റ്റ് തയ്യാറാക്കി മേൽ നടപടികൾ സ്വീകരിച്ചു.
പോസ്റ്റ്മോർട്ടത്തിനു ശേഷമേ മരണ കാരണം വ്യക്തമാവുകയുള്ളൂ. രൂപന്റെ മൃതദേഹം വണ്ടിപെരിയാർ പ്രാഥമിക ആശുപത്രിയി ൽ എത്തിച്ച ശേഷം പോസ്റ്റ്മോർട്ടത്തിനായി കോട്ടയം മെഡിക്കൽ കോളേജിലേക്ക് കൊണ്ടുപോയി.കഴിഞ്ഞ് ഇരുപത്തിയാറാം തീയതിയാണ് രൂപനും കുടുംബാംഗങ്ങളും പുതുതായി പണികഴിപ്പിച്ച വീട്ടിലേക്ക് കയറി താമസിച്ചത്.
