ചീയപ്പാറയ്ക്കു സമീപം ടോറസ് കൊക്കയിലേക്ക് മറിഞ്ഞു;വനമേഖല ആയതിനാലും വളരെ താഴെയായതിനാലും രക്ഷാപ്രവർത്തനം ദുഷ്കരം

അടിമാലി: കൊച്ചി – ധനുഷ്കോടി ദേശീയപാതയിൽ ചീയപാറയ്ക്ക് സമീപം ടോറസ് അപകടത്തിൽ പെട്ടു. അടിമാലിയിൽ നിന്നും കോതമംലത്തിനു വരുകയായിരുന്ന KL 24 K4401 എന്ന നംമ്പറിലുള്ള ടോറസ് നിയന്ത്രണം നഷ്ടപ്പെട്ട് 300 അടി താഴ്ചയിലേക്ക് പതിക്കുകയായിരുന്നു.. രണ്ട് പേർ വാഹനത്തിൽ ഉണ്ടെന്നാണ് വിവരം. നിരവധി തവണം മറിഞ്ഞ ശേഷം ലോറി ദേവയാർ പുഴയുടെ സമീപത്താണ് മറിഞ്ഞ് കിടക്കുന്നത്. ഹൈവേപോലീസും, ഫയർ ഫോഴ്സും, നാട്ടുകാരും വനപാലകരും ചേർന്ന് രക്ഷാപ്രവർത്തനം നടത്തി കൊണ്ടിരിക്കുന്നു … വനമേഖല ആയതിനാലും റോഡിൽ നിന്നും വളരെ താഴെയായതിനാലും രക്ഷാപ്രവർത്തനം ദുഷ്കരമാണ്.