തെരുവ് നായ്ക്കളുടെ ശല്യത്താൽ രാജാക്കാട് ടൗൺ….

ഹൈറേഞ്ചിലെ പ്രധാന പട്ടണങ്ങളിലൊന്നായ രാജാക്കാട് ടൗണിൽ തെരുവ് നായ്ക്കളുടെ ശല്യം രൂക്ഷം. രാജാക്കാട് ടൗണിലെ ബസ്സ്റ്റാന്റ് ഉൾപ്പെടെയുള്ള ഇടങ്ങളിലാണ് തെരുവ് നായ്ക്കളുടെ ശല്യമുള്ളത്. കാൽനട യാത്രക്കാർക്കും, ബസ്സ്റ്റാന്റ്, ബസ്സ്റ്റോപ്പ്‌ എന്നിവടങ്ങളിൽ നിൽക്കുന്നവർക്ക് ഏറെ ബുദ്ധിമുട്ട് സൃഷ്ടിക്കുന്നതായി യാത്രക്കാർ പറയുന്നു. കുരച്ചുകൊണ്ട് കൂട്ടത്തോടെ നായ്ക്കൾ എത്തുമ്പോൾ സ്കൂൾ- കോളേജ് വിദ്യാർത്ഥികളും, ഇരുചക്ര വാഹന യാത്രക്കാരും ഭയത്തോടെയാണ് കടന്നു പോകുന്നത്..തെരുവ് നായ്ക്കളുടെ ശല്യത്തിന് അധികാരികളുടെ ഇടയിൽ നിന്നും പരിഹാരം ഉണ്ടാകണമെന്ന പ്രതീക്ഷയിലാണ് ഇവിടുത്തെ ജനങ്ങൾ …