പുതിയ കെട്ടിടത്തിലേയ്ക്ക് ഇരട്ടയാര്‍ പോസ്‌റ്റോഫിസ് പ്രവര്‍ത്തനം ആരംഭിച്ചു
നെടുങ്കണ്ടം: ഇരട്ടയാര്‍ പോസ്‌റ്റോഫീസ് പ്രൈവറ്റ് സ്റ്റാഡിലെ കെട്ടിടത്തിലേയ്ക്ക് മാറ്റി പ്രവര്‍ത്തനം ആരംഭിച്ചു. ഇരട്ടയാര്‍ ഗ്രാമപഞ്ചായത്ത് പ്രസിഡന്റ് ജിണ്‍സണ്‍ പുളിയന്‍കുന്നേല്‍ പോസ്‌റ്റോഫീസിന്റെ ഉദ്ഘാടനം നിര്‍വ്വഹിച്ചു. ഇരട്ടയാര്‍ സബ് പോസ്‌റ്റോഫീസ് പോസ്റ്റ്മാസ്റ്റര്‍ എം.എസ് വിഷ്ണു അദ്ധ്യക്ഷത വഹിച്ചു. കട്ടപ്പന സബ്ഡിവിഷന്‍ ഇന്‍സപെക്ടര്‍ ഷിഹാജ്, കട്ടപ്പന ഹെഡ് പോസ്റ്റുമാസ്റ്റര്‍ ജി. സുനില്‍, ജോബി കണ്ടമുണ്ടയില്‍, റെജി ഇലിപ്പുലിക്കാട്ട്, പോസ്‌റ്റോഫീസ് ജീവനക്കാരായ വി.ജെ ബിജു, പി.ജി സിന്ധു, പാര്‍വ്വതി വിജയന്‍ തുടങ്ങിയവര്‍ പങ്കെടുത്തു.
ഇരട്ടയാര്‍ മോര്‍ക്കാലി ബില്‍ഡിംഗില്‍ കഴിഞ്ഞ 14 വര്‍ഷമായി പ്രവര്‍ത്തിച്ച് വന്നിരുന്ന പോസ്‌റ്റോഫീസാണ് ഇരട്ടയാര്‍ പ്രൈവറ്റ് ബസ്റ്റാന്‍ഡിലേയ്ക്ക് മാറ്റി സ്ഥാപിച്ചത്. ഇതോടെ ബസുകളില്‍ എത്തുന്നവര്‍ക്കും നാട്ടുകാര്‍ക്കും പോസ്‌റ്റോഫീസിന്റെ സേവനം കൂടുതല്‍ സൗകര്യപ്രദമായി ലഭ്യമാകുമെന്ന് ഇരട്ടയാര്‍ പോസ്റ്റ്മാസ്റ്റര്‍ പറഞ്ഞു.
