ഇ-ശ്രാം കാർഡ്: 2 ലക്ഷം രൂപയുടെ വരെ ഇൻഷുറൻസ് പരിരക്ഷ
അസംഘടിത മേഖലയിൽ പ്രവർത്തിക്കുന്നവർക്ക് സാമ്പത്തിക സഹായം നൽകുന്നതിനായി കേന്ദ്ര സർക്കാർ 2021 ഓഗസ്റ്റ് 26-ന് ആരംഭിച്ചതാണ് ഇ-ശ്രമം പോർട്ടൽ. ഈ പ്ലാറ്റ്‌ഫോമിലൂടെ ഇന്ത്യൻ തൊഴിലാളികൾക്ക് അവരുടെ കഴിവുകളെ അടിസ്ഥാനമാക്കി ജോലി കണ്ടെത്താൻ സഹായിക്കുകയും ഒപ്പം അപകടങ്ങൾ വല്ലതും സംഭവിച്ചാൽ ഇൻഷുറൻസ് പരിരക്ഷയും ലഭിക്കും എന്നതാണ് ഇതിന്റെ പ്രത്യേകത.
താൽപ്പര്യമുള്ള തൊഴിലാളികൾക്ക് ഇ ശ്രമിന്റെ ഔദ്യോഗിക വെബ്സൈറ്റായ eshram.gov.in-ൽ ലഭ്യമായ ഇ-ശ്രമം കാർഡ് രജിസ്ട്രേഷൻ ഫോം 2022 പൂരിപ്പിച്ച് ഓൺലൈനായി രജിസ്റ്റർ ചെയ്യാവുന്നതാണ്. തൊഴിൽ മന്ത്രാലയത്തിനാണ് ഇ-ശ്രം കാർഡ് പദ്ധതിയുടെ ചുമതല.
ഇൻഷ്വർ ചെയ്ത വ്യക്തി മരിച്ചാൽ നോമിനിക്ക് 2 ലക്ഷം രൂപ വരെ ലഭിക്കും.അപകടത്തിൽ ആർക്കെങ്കിലും അവന്റെ/അവളുടെ രണ്ടു കൈകളും കാലുകളും കണ്ണുകളും നഷ്ടപ്പെട്ടാൽ, അയാൾക്ക്/അവൾക്ക് 2 ലക്ഷം രൂപ ആനുകൂല്യം ലഭിക്കും.ഒരു കണ്ണിന്റെ കാഴ്ച നഷ്ടപ്പെടുകയോ ഒരു കാലിനോ കൈയ്‌ക്കോ വൈകല്യമോ ആണെങ്കിൽ, അയാൾക്ക്/അവൾക്ക് ഒരു ലക്ഷം രൂപയുടെ ആനുകൂല്യവും ലഭിക്കും.
http://eshram.gov.in എന്ന ഇ-ശ്രമം പോർട്ടൽ വഴി സ്വയം രജിസ്ട്രേഷൻ നടത്താം.കോമൺ സർവീസ് സെന്ററുകൾ വഴിയും ജില്ല/ഉപജില്ലകളിലെ സംസ്ഥാന സർക്കാരിന്റെ റീജിയണൽ ഓഫീസുകൾ വഴിയും രജിസ്ട്രേഷൻ നടത്താം.
