കാർ വൈദ്യുതി പോസ്റ്റിലിടിച്ച് മറിഞ്ഞ് ഉപ്പുതറ സ്വദേശി വീട്ടമ്മ മരിച്ചു

ഉപുതറ :കാർ വൈദ്യുതി പോസ്റ്റിലിടിച്ച് മറിഞ്ഞ് വീട്ടമ്മ മരിച്ചു. ഉപ്പുതറ ഒൻപതേക്കർ ചിറപ്പിറയിൽ.എം.മാത്യുവിൻ്റെ ഭാര്യ മോളി (55) ആണ് മരിച്ചത്. അപകടത്തിൽ പരിക്കേറ്റ ജെസി (38) യെ മുണ്ടക്കയത്ത് സ്വകാര്യ ആശുപത്രിയിൽ പ്രവേശിപ്പിച്ചു.

കുട്ടിക്കാനം കട്ടപ്പന സംസ്ഥാനപാതയിൽ പള്ളിക്കുന്നിന് സമീപം ബുധനാഴ്ച്ച വൈകുന്നേരം ആറു മണിയോടെയാണ് അപകടമുണ്ടായത്. പെരുവന്താനത്ത് ബന്ധുവീട്ടിൽ എത്തി മടങ്ങുകയായിരുന്നവരുടെ കാർ റോഡരുകിലെ പോസ്റ്റിൽ ഇടിച്ചു മറിയുകയായിരുന്നു. പരിക്കേറ്റവരെ പിരുമേട് താലൂക്ക് ആശുപത്രിയിലും തുടർന്ന് മുണ്ടക്കയത്ത് സ്വകാര്യ ആശുപത്രിയിലും എത്തിച്ചു. മോളിയുടെ ജീവൻ രക്ഷിക്കാനായില്ല. മോളിയുടെ ഭർത്താവ് പി.എം.മാത്യു ഉപ്പുതറ കോൺഗ്രസ് ഓഫീസ് സെക്രട്ടറിയാണ്. സംസ്കാരം പിന്നീട്.