കട്ടപ്പന നഗരസഭയിലെ ഭരണസ്തംഭനം,എൽ .ഡി എഫ് കൗൺസിലർമാർ ഇന്ന് ഉപവസിക്കും.

കട്ടപ്പന നഗരസഭയിൽ ഭരണസ്തംഭനമാരോപിച്ച് എൽഡിഎഫ് കൗൺസിലർമാർ പ്രത്യക്ഷ സമരത്തിലേയ്ക്ക് കടക്കുന്നു. ഇന്ന് രാവിലെ 10 മണി മുതൽ വൈകിട്ട് അഞ്ച് മണി വരെ നഗരസഭാ കാര്യാലയത്തിന് മുൻപിൽ അംഗങ്ങൾ ഉപവാസമിരിക്കും.ഡിസംബർ 26 ന് ഇപ്പോഴത്തെ ഭരണസമിതി അധികാരത്തിൽ വന്ന് ഒരു വർഷം തികയുമ്പോഴും യാതൊരുവിധ വികസനപ്രവർത്തനങ്ങളും നഗരസഭയിൽ നടത്തിയിട്ടില്ലെന്നാണ് എൽഡിഎഫ് കൗൺസിലർമാർ പ്രധാനമായും ആരോപിക്കുന്നത്.