പാലത്തിൽ നിന്ന് താഴേയ്ക്ക് ചാടി,വൃദ്ധൻ രക്ഷപ്പെട്ടത് ഭാഗ്യം കൊണ്ട്

….
തൊടുപുഴ പാലത്തില്‍ നിന്ന് പുഴയിലേക്ക് ചാടിയ വൃദ്ധനെ രക്ഷപ്പെടുത്തി. ഇന്നലെ രാവിലെ പത്തോടെയാണ് സംഭവം.കോടിക്കുളം സ്വദേശിയായ എഴുപത്താറുകാരനാണ് തൊടുപുഴയാറ്റിലേക്ക് ചാടിയത്. പുഴയില്‍ വെള്ളം കുറവായിരുന്നെങ്കിലും ഇയാള്‍ താഴേയ്ക്ക് ഒഴുകി നീങ്ങി. പുഴയിലൂടെ ഒഴുകി വരുന്നതു കണ്ട് താഴെ ക്ഷേത്രത്തിനു സമീപത്തെ കടവില്‍ ഉണ്ടായിരുന്നവര്‍ ചേര്‍ന്ന് രക്ഷപ്പെടുത്തുകയായിരുന്നു. വിവരമറിഞ്ഞ് തൊടുപുഴ ഫയര്‍ഫോഴ്‌സും സ്ഥലത്തെത്തിയിരുന്നു. കാഴ്ചക്കുറവും ആരോഗ്യ പ്രശ്‌നങ്ങളും പതിവായി അലട്ടിയിരുന്നതായി വൃദ്ധന്‍ അധികൃതരെ അറിയിച്ചു. തുടര്‍ന്ന് ബന്ധുക്കളെ വിളിച്ചു വരുത്തി അവര്‍ക്കൊപ്പം പറഞ്ഞയച്ചു.