കെ ജെ മാത്യു അനുസ്‌മരണം
കട്ടപ്പന

ഇടുക്കി പ്രസ്‌ക്ലബ് പ്രസിഡന്റും ദേശാഭിമാനി ഇടുക്കി ബ്യൂറോ ചീഫായിരുന്ന അന്തരിച്ച കെ ജെ മാത്യുവിന്റെ പത്താം അനുസ്‌മരണം സംഘടിപ്പിച്ചു. കട്ടപ്പന പ്രസ്‌ ക്ലബ്ബിന്റെ നേതൃത്വത്തിൽ നടത്തിയ യോഗത്തിൽ മുതിർന്ന മാധ്യമപ്രവർത്തകൻ എം സി ബോബൻ അനുസ്‌മരണപ്രഭാഷണം നടത്തി.

പ്രസ്‌ ക്ലബ്‌ പ്രസിഡന്റ്‌ തോമസ്‌ ജോസ്‌ അധ്യക്ഷനായി. സെക്രട്ടറി വിൻസ്‌ സജീവ്‌, മുൻ പ്രസിഡന്റ്‌ ജയ്‌ബി ജോസഫ്‌, വി എസ്‌ അസ്‌ഹറുദ്ദീൻ, അഖിൽ ഫിലിപ്പ്‌, നിതിൻ ഷാജി, റോയി വർഗീസ്‌, സുബിൻ, വി ആർ വിജയൻ എന്നിവർ സംസാരിച്ചു.