മരക്കാർ അറബിക്കടലിന്റെ സിംഹം , കുറുപ്പ് എന്നീ ചിത്രങ്ങളുടെ തീയറ്റർ പ്രദർശനം ഇന്ന് അവസാനിപ്പിക്കും, തീയറ്റർ ഉടമകളുടെ സംഘടനയായ ഫിയോക്കിന്റെ യാണ് തീരുമാനം ..
തിയേറ്ററില്‍ പ്രദര്‍ശനം തുടരുന്നതിനിടെ, ഒ.ടി.ടിയില്‍ പ്രദര്‍ശിപ്പിക്കുന്ന സിനിമകള്‍ പിന്‍വലിക്കാന്‍ തിയേറ്ററുടമകളുടെ സംഘടനയായ ഫിയോക് തീരുമാനിച്ചു.കുറുപ്പ്, മരക്കാര്‍ അറബിക്കടലിലെ സിംഹം എന്നീ സിനിമകളുടെ പ്രദര്‍ശനം ഇന്ന് അവസാനിപ്പിക്കും.
ദുല്‍ഖര്‍ സല്‍മാന്‍ നായകനും നിര്‍മ്മാതാവുമായി തിയേറ്ററുകളില്‍ റിലീസ് ചെയ്ത കുറുപ്പ് കഴിഞ്ഞ ദിവസം ഒ.ടി.ടിയില്‍ പ്രദര്‍ശിപ്പിച്ചു. മികച്ച വരുമാനം ലഭിച്ച സിനിമ പൊടുന്നനെ ഒ.ടി.ടിയില്‍ പ്രദര്‍ശിപ്പിക്കുകയായിരുന്നു. നവംബര്‍ 12 നാണ് കുറുപ്പ് തിയേറ്ററില്‍ റിലീസ് ചെയ്തത്. മരക്കാര്‍ ഇന്ന് ഒ.ടി.ടിയില്‍ പ്രദര്‍ശിപ്പിക്കും. മോഹന്‍ലാല്‍ നായകനായി പ്രിയദര്‍ശന്‍ സംവിധാനം ചെയ്ത മരക്കാര്‍ ഡിസംബര്‍ രണ്ടിനാണ് തിയേറ്ററുകളില്‍ റിലീസ് ചെയ്തത്.
തിയേറ്ററുകളിലേക്ക് കാണികള്‍ കൂടുതലായി വരുന്ന സമയത്ത് ഒ.ടി.ടിയിലേക്ക് മാറ്റിയതില്‍ അതൃപ്തിയും പ്രതിഷേധവും അറിയിച്ചാണ് പ്രദര്‍ശനം അവസാനിപ്പിക്കാന്‍ ഫിയോക് തീരുമാനിച്ചത്. നിര്‍ദ്ദേശം തിയേറ്ററുടമകള്‍ക്ക് രേഖാമൂലം നല്‍കിയതായി ഫിയോക് ഭാരവാഹികള്‍ പറഞ്ഞു.
