കട്ടപ്പനയിൽ ദേശീയ പാതയിൽ ഓയിൽ ചോർന്നു,ബൈക്ക് മറിഞ്ഞ് യാത്രികന് പരിക്കേറ്റു

കട്ടപ്പന : അടിമാലി കുമളി ദേശിയ പാതയിൽ കട്ടപ്പന പള്ളിക്കവലയ്ക്ക് സമീപം വാഹനത്തിൽ നിന്നും ഓയിൽ ചോർന്നത് അപകടത്തിന് ഇടയാക്കി. ഇന്നലെ രാവിലെയാണ് വളവിൽ ഓയിൽ ചോർന്നത്. ഇത് ശ്രദ്ധയിൽപെടാതെ ഇതുവഴി എത്തിയ ബൈക്ക് യാത്രികൻ ഓയിലിൽ കയറിയതും നിയന്ത്രണം നഷ്ടമായി മറിയുകയായിരുന്നു. ഇയാൾക്ക് സാരമായി പരിക്കേറ്റു. തുടർന്ന് സമീപവാസികൾ വിവരമറിയിച്ചതിനെ തുടർന്ന് നഗരസഭാ അധ്യക്ഷ ബീനാ ജോബി സ്ഥലത്തെത്തി ഫയർഫോഴ്സിൽ വിവരമറിയിച്ചു. പിന്നീട്ട് ഫയർഫോഴ്സ് ഉദ്യോഗസ്ഥരെത്തി അറക്കപ്പൊടി വിതറിയാണ് അപകടം ഒഴിവാക്കിയത്. റോഡിൽ അരമണിക്കൂറോളം ഗതാഗതം തടസ്സപ്പെട്ടു.