ഇടുക്കിപ്രധാന വാര്‍ത്തകള്‍
ആറ് വർഷമായി ഒളിവിൽ കഴിഞ്ഞ പ്രതി പിടിയിൽ; അറസ്റ്റിലായത് കാൽവരി മൗണ്ട് സ്വദേശി
മൂവാറ്റുപുഴ: ആറ് വര്‍ഷമായി പൊലീസിനെ കബളിപ്പിച്ച്‌ ഒളിവില്‍ക്കഴിഞ്ഞ പ്രതി പിടിയില്‍. ഇടുക്കി കാല്‍വരിമൗണ്ട് പ്ലാത്തോട്ടത്തില്‍ ജിത്തു തോമസാണ് (26) കല്ലൂര്‍ക്കാട് പൊലീസിന്റെ പിടിയിലായത്.
2016ല്‍ കല്ലൂര്‍ക്കാട് കവര്‍ച്ച നടത്തിയ കേസില്‍ കോടതി മൂന്നുവര്‍ഷം ഇയാളെ ശിക്ഷിച്ചിരുന്നു. തുടര്‍ന്ന് അപ്പീല്‍ നല്‍കി ജാമ്യംനേടിയശേഷം ഒളിവില്‍ പോവുകയായിരുന്നു. ബംഗളൂരുവിലും മറ്റും കഴിഞ്ഞശേഷം തങ്കമണിയിലെ വനമേഖലയില്‍ ഒളിവില്‍ താമസിക്കുമ്ബോഴാണ് ജില്ലാ പൊലീസ് മേധാവി കെ. കാര്‍ത്തിക്കിന്റെ നേതൃത്വത്തിലുളള പ്രത്യേകഅന്വേഷണസംഘം ഇയാളെ പിടികൂടുന്നത്. ഇടുക്കി, കോട്ടയം, എറണാകുളം ജില്ലയില്‍ കഞ്ചാവ്, വധശ്രമം, മോഷണം എന്നീ കേസുകളില്‍ പ്രതിയാണ്.
