സിപിഐ നേതാവ് എഴുകും വയൽ അമ്പാട്ട് വീട്ടിൽ ജോസഫ് ചാക്കോ (ജോയി അമ്പാട്ട് (67) അന്തരിച്ചു

നെടുങ്കണ്ടം : സിപിഐ നേതാവ് എഴുകും വയൽ അമ്പാട്ട് വീട്ടിൽ ജോസഫ് ചാക്കോ (ജോയി അമ്പാട്ട് (67) അന്തരിച്ചു. ഇന്നലെ വൈകിട്ട് ഹൃദയാഘാതത്തെ തുടർന്നായിരുന്നു അന്ത്യം. കോവിഡിനെ തുടർന്ന് ന്യുമോണിയ ബാധിച്ചതിനെ തുടർന്ന് വിദഗ്ധ ചികിത്സക്കായി എറണാകുളം ലക് ഷോർ ആശുപത്രിയിൽ പ്രവേശിപ്പിക്കുകയായിരുന്നു. കോവിഡ് ഭേദമായെങ്കിലും തുടർ ചികിത്സയ്ക്കിടെ ഹൃദയാഘാതം ഉണ്ടാക്കുകയായിരുന്നു.

കിസാൻസഭ ജില്ലാ പ്രസിഡന്റ്, മിൽക്ക് സൊസൈറ്റി അസോസിയേഷൻ ജില്ലാ പ്രസിഡന്റ്, സി പി ഐ ഉടുമ്പൻചോല മണ്ഡലം സെക്രട്ടറിയേറ്റ് അംഗം, പച്ചടി ക്ഷിരോത്പാദക സഹകരണ സംഘത്തിന്റെ പ്രസിഡന്റ് എന്നീ നിലകളിൽ പ്രവർത്തിച്ച് വരികയായിരുന്നു. നെടുങ്കണ്ടം ഗ്രാമ പഞ്ചായത്ത് വൈസ് പ്രസിഡന്റ് സി പി ഐ ഉടുമ്പൻചോല മണ്ഡലം അസി.സെക്രട്ടറി, എഴുകും വയൽ ആപ് കോസ് പ്രസിഡന്റ് എന്നീ നിലയിലും പ്രവർത്തിച്ചിട്ടുണ്ട്. ഭാര്യ: ത്രേസ്യാമ ജോസഫ് . മക്കൾ : ദീപാ , ദിവ്യാ, ദീപ്തി. മരുമക്കൾ : സുരേഷ്, ജെയിംസ്, ജോബിൻ. സംസ്കാരം നാളെ രണ്ട് മണിയ്ക്ക് എഴുകുംവയൽ ജെയ്മാത പള്ളിയിൽ .