യുവാവിന് നേരെ ആസിഡ് ആക്രമണം, വീട്ടമ്മ അറസ്റ്റിൽ

അടിമാലി: അടിമാലി ഇരുമ്പുപാലത്ത് യുവാവിന് നേരെ ആസിഡ് ആക്രമണം നടത്തിയ യുവതിയെ അടിമാലി പൊലീസ് കസ്റ്റഡിയിൽ എടുത്തു.
പടികപ്പ് പനവേലിൽ സന്തോഷിൻ്റെ ഭാര്യ
ഷീബയാണ് പിടിയിലായത്. തിരുവനന്തപുരം പൂജപ്പുര സ്വദേശി അരുണ്‍ കുമാറിനെ കഴിഞ്ഞ പതിനാറിനാണ് യുവതി ഇരുമ്പുപാലത്ത് വിളിച്ചു വരുത്തി ആക്രമിച്ചത്. യുവാവിന്റെ ഒരു കണ്ണിൻ്റെ കാഴ്ച്ച നഷ്ടപ്പെട്ടതായി പൊലീസ് പറഞ്ഞു. ഇയാൾ തിരുവനന്തപുരത്ത് ചികിത്സയിലാണ്.
യുവതിയെ ഇന്നലെ വൈകുന്നേരമാണ്  പൊലീസ് കസ്റ്റഡിയിൽ എടുത്തത്. എസ് ഐ അബ്ദുൽഖനി,    അജിത്,  സ്മിതലാൽ എന്നിവരുടെ നേതൃത്വത്തിലുള്ള പൊലീസ് സംഘമാണ് യുവതിയെ കസ്റ്റഡിയിൽ എടുത്തത്.