ഇ- ശ്രം പോര്‍ട്ടല്‍ മുഖേന മോട്ടോര്‍ തൊഴിലാളികളുടെ വിവര ശേഖരണം
അസംഘടിത മേഖലയില്‍ ജോലി ചെയ്യുന്ന മോട്ടോര്‍ തൊഴിലാളികളുടെ വിവരങ്ങള്‍ ദേശീയതലത്തില്‍ ശേഖരിക്കുന്നു. കേന്ദ്ര സര്‍ക്കാര്‍ ആരംഭിച്ച ഇ-ശ്രം പോര്‍ട്ടല്‍ വഴിയാണ് വിവര ശേഖരണം.
ആധാര്‍ ലിങ്ക് ചെയ്ത മൊബൈല്‍ ഫോണും ബാങ്ക് അക്കൗണ്ടും ഇ- ശ്രം പോര്‍ട്ടല്‍ രജിസ്റ്റര്‍ ചെയ്യുന്നവര്‍ക്ക് ഉണ്ടായിരിക്കണം. ആദായ നികുതി അടയ്ക്കാത്തവരും ഇ.പി.എഫ്.ഇ.എസ്.ഐ യില്‍ അംഗങ്ങള്‍ അല്ലാത്തവരുമായ തൊഴിലാളികളെയാണ് ഇതില്‍ ചേര്‍ക്കുക. 16 നും 59 നും ഇടയില്‍ പ്രായമുളള അര്‍ഹതപ്പെട്ട എല്ലാ മോട്ടോര്‍ തൊഴിലാളികളും ഈ പോര്‍ട്ടലില്‍ രജിസ്റ്റര്‍ ചെയ്യേണ്ടതാണ്. കേരള മോട്ടോര്‍ തൊഴിലാളി ക്ഷേമനിധി ബോര്‍ഡിന്റെ എല്ലാ ജില്ലാ എക്സിക്യൂട്ടീവ് ആഫീസുകളില്‍ നിന്നും ഇതിനാവശ്യമായ മാര്‍ഗ്ഗ നിര്‍ദ്ദേശങ്ങള്‍ ലഭിക്കും.
ഇ-ശ്രം പോര്‍ട്ടലായ www.eshram.gov.in വഴിയോ കോമണ്‍ സര്‍വ്വീസ് സെന്റര്‍/അക്ഷയ കേന്ദ്രം എന്നിവ വഴിയോ മോട്ടോര്‍ തൊഴിലാളികള്‍ക്ക് രജിസ്റ്റര്‍ ചെയ്യാം.
