ഇടുക്കി ജില്ലാ സിവില്‍ സര്‍വീസ് ടൂര്‍ണമെന്റ് 2021
നവംബര്‍ 9, 10 തീയതികളിലായി മൂലമറ്റം സെന്റ് ജോസഫ് കോളേജില്‍ ഇടുക്കി ജില്ലാ സ്പോര്‍ട്സ് കൗണ്‍സിലിന്റെ നേതൃത്വത്തില്‍ നടത്തുന്ന ഇടുക്കി ജില്ലാ സിവില്‍സര്‍വീസ് ടൂര്‍ണമെന്റ് ജില്ലാ കളക്ടര്‍ ഷീബ ജോര്‍ജ് ഉദ്ഘാടനം ചെയ്തു. സര്‍ക്കാര്‍ ജീവനക്കാരുടെ മാനസികപിരിമുറുക്കം കുറച്ച് കായികക്ഷമത വര്‍ധിപ്പിക്കുന്നതിന് ആയി നടത്തപ്പെടുന്ന ഈ കായികമേളയില്‍ പങ്കെടുക്കുന്ന എല്ലാവരേയും കളക്ടര്‍ അനുമോദിച്ചു.
ഇടുക്കി ജില്ലാ സ്പോര്‍ട്സ് കൗണ്‍സില്‍ പ്രസിഡണ്ട് റോമിയോ സെബാസ്റ്റ്യന്‍ അധ്യക്ഷനായിരുന്നു യോഗത്തില്‍ മൂലമറ്റം സെന്റ് ജോസഫ് കോളേജ് ഫിസിക്കല്‍ എജുക്കേഷന്‍ ഡയറക്ടര്‍ തോമസ് ജോര്‍ജ്, അറക്കുളം ഗ്രാമപഞ്ചായത്ത് പ്രസിഡണ്ട് വിനോദ് കെ എസ്, സംഘാടക സമിതി ചെയര്‍മാനും കേരള സ്റ്റേറ്റ് സ്പോര്‍ട്സ് കൗണ്‍സില്‍ മെമ്പറുമായ കെ ജോസഫ്, ജില്ലാ സ്പോര്‍ട്സ് കൗണ്‍സില്‍ സെക്രട്ടറി പി കെ കുര്യാക്കോസ്, അറക്കുളം ഗ്രാമപഞ്ചായത്ത് മെമ്പര്‍ കൊച്ചുറാണി, ആസ്‌കോ ബാങ്ക് പ്രസിഡന്റ് ടോമി വലുകുളം, മൂലമറ്റം വികാസ് ക്ലബ് സെക്രട്ടറി രതീഷ് എന്നിവര്‍ ആശംസകള്‍ അര്‍പ്പിച്ചു,
