പൈനാവ് മോഡല് പോളിടെക്നിക് കോളേജ് പ്രവേശനം
സംസ്ഥാന സര്ക്കാര് സ്ഥാപനമായ ഐ എച്ച് ആര് ഡി യുടെ പൈനാവ് മോഡല് പോളിടെക്നിക് കോളേജില് 2026-27 വര്ഷം ലാറ്ററല് എന്ട്രി വഴി രണ്ടാം വര്ഷത്തിലേക്കും നേരിട്ട് ഒന്നാം വര്ഷത്തിലേക്കും അഡ്മിഷന് ആരംഭിച്ചു. അഡ്മിഷന് താല്പര്യമുള്ള പ്ലസ് ടു സയന്സ്/വി എച്ച് എസ് ഇ/ഐ ടി ഐ/കെ ജി സി ഇ പാസ്സായ വിദ്യാര്ത്ഥികള് ലാറ്ററല് എന്ട്രി വഴി രണ്ടാം വര്ഷത്തിലേക്കും എസ് എസ് എല് സി/പ്ലസ് ടു/വി എച് എസ് ഇ പാസ്സായ വിദ്യാര്ത്ഥികള് നേരിട്ട് ഒന്നാം വര്ഷത്തിലേക്കും കോളേജില് നേരിട്ടോ ഓണ്ലൈനായോ അപേക്ഷ സമര്പ്പിക്കണം.
സൈബര് ഫോറന്സിക് & ഇന്ഫര്മേഷന് സെക്യൂരിറ്റി, ബയോ മെഡിക്കല് എഞ്ചിനീയറിങ്, കമ്പ്യൂട്ടര് എഞ്ചിനീയറിങ്, ഇലക്ട്രോണിക്സ് & കമ്മ്യൂണിക്കേഷന് എഞ്ചിനീയറിങ്, മെക്കാനിക്കല് എഞ്ചിനീയറിങ് എന്നീ ഡിപ്ലോമ പ്രോഗ്രാമുകളിലേക്കാണ് പ്രവേശനം. ജൂണ് 7 വരെ https://le.polyadmission.org എന്ന പോര്ട്ടല് വഴി ലാറ്ററല് എന്ട്രി വഴി രണ്ടാം വര്ഷത്തിലേക്കും ജൂണ് 26 വരെ https://polyadmission.org എന്ന പോര്ട്ടല് വഴി നേരിട്ട് ഒന്നാം വര്ഷത്തിലേക്കും അപേക്ഷിക്കാം.
കൂടുതല് വിവരങ്ങള്ക്ക് 8547005084, 9496582763, 9447331112 എന്നീ നമ്പറുകളില് ബന്ധപ്പെടുക.
(ഐ.ഡി.കെ. പി.ആര് 3004-6/26)
