ജില്ലാ ബോക്സിങ് ചാംപ്യൻഷിപ്പിന് തുടക്കം

തൊടുപുഴ ∙ ജില്ലാ സബ് ജൂനിയർ, ജൂനിയർ, യൂത്ത് ബോക്സിങ് ചാംപ്യൻഷിപ് കരിമണ്ണൂർ മാസ് ഓഡിറ്റോറിയത്തിൽ ആരംഭിച്ചു. മത്സരങ്ങൾ കരിമണ്ണൂർ പൊലീസ് സർക്കിൾ ഇൻസ്പെക്ടർ സുമേഷ് സുധാകരൻ ഉദ്ഘാടനം ചെയ്തു. പഞ്ചായത്ത് പ്രസിഡന്റ് റെജി ജോൺസൺ അധ്യക്ഷയായിരുന്നു.

കേരള ബോക്സിങ് അസോസിയേഷൻ എക്സിക്യൂട്ടീവ് അംഗം എം.എസ്.പവനൻ, ജില്ലാ ഒളിംപിക് വേവ് ചെയർമാൻ എം.എൻ.ബാബു, ആം റെസ്‌ലിങ് അസോസിയേഷൻ സംസ്ഥാന വൈസ് പ്രസിഡന്റ് മനോജ് കോക്കാട്ട്, ജില്ലാ ബോക്സിങ് അസോസിയേഷൻ സെക്രട്ടറി ബേബി ഏബ്രഹാം, കൂഡോ അസോസിയേഷൻ പ്രസിഡന്റ് ബിനു ഐസക് തുടങ്ങിയവർ പ്രസംഗിച്ചു. 

ദേശീയ കൂഡോ ചാംപ്യൻഷിപ്പിൽ മെഡലുകൾ നേടിയവരെ അനുമോദിച്ചു. ജില്ലയുടെ വിവിധ മേഖലകളിൽ നിന്നായി 85 ബോക്സർമാർ ചാംപ്യൻഷിപ്പിൽ പങ്കെടുക്കുന്നുണ്ട്. 13, 14, 15 തീയതികളിൽ തിരുവനന്തപുരം ശ്രീപാദം സ്റ്റേഡിയത്തിൽ നടക്കുന്ന സംസ്ഥാന ചാംപ്യൻഷിപ്പിൽ പങ്കെടുക്കാനുള്ള ജില്ലാ ടീമിനെ ഈ മത്സരങ്ങളിൽ നിന്നു തിരഞ്ഞെടുക്കും. ചാംപ്യൻഷിപ് ഇന്നു സമാപിക്കും.