അതിഥി തൊഴിലാളികളുടെ താമസസ്ഥലങ്ങൾ സന്ദർശിച്ച്‌  ലഹരിക്കെതിരായ ബോധവൽക്കരണം നൽകി കരിങ്കുന്നം പോലീസ്

ഇടുക്കി ജില്ലാ പോലീസ് നടത്തിവരുന്ന ലഹരി വിരുദ്ധ പ്രവർത്തനങ്ങളുടെ ഭാഗമായി  കരിങ്കുന്നം പോലീസ് കരിങ്കുന്നം സ്റ്റേഷൻ പരിധിയിലുള്ള അതിഥി തൊഴിലാളികളുടെ താമസസ്ഥലങ്ങൾ സന്ദർശിച്ചു. കരിങ്കുന്നം പോലീസ് സബ് ഇൻസ്‌പെക്ടർ സദാശിവൻ എം എൻ, സീനിയർ സിവിൽ പോലീസ് ഓഫീസർമാരായ അൻവർ സാദത്ത്, അനസ്, ജനമൈത്രി ബീറ്റ് ഓഫീസർ അനീഷ് സത്താർ എന്നിവർ അടങ്ങുന്ന പോലീസ് സംഘം അതിഥി തൊഴിലാളികളുമായി സംവദിക്കുകയും ലഹരിക്കെതിരായ ബോധവൽക്കരണം നൽകുകയും ചെയ്തിട്ടുള്ളതാണ്.