പതിനാലുകാരിയെ പ്രണയം നടിച്ചു തമിഴ്നാട്ടിൽ കൊണ്ടുപോയി പീഡിപ്പിച്ചു; യുവാവ് അറസ്റ്റിൽ

മൂന്നാർ ∙ മൂന്നാർ സ്വദേശിനിയായ പതിനാലുകാരിയെ പ്രണയം നടിച്ചു തമിഴ്നാട്ടിലേക്കു തട്ടിക്കൊണ്ടുപോയി പീഡിപ്പിച്ച കേസിൽ യുവാവ് അറസ്റ്റിൽ. തമിഴ്നാട് വിരുതുനഗർ ആർ റെഡ്ഡിപ്പട്ടി സ്വദേശി ബി.മനോജ്കുമാറിനെയാണ് (21) മൂന്നാർ എസ്ഐ എം.പി.സാഗറും സംഘവും തമിഴ്നാട്ടിൽ നിന്നു പിടികൂടിയത്.

മൂന്നാറിലെ ബന്ധുവീട്ടിൽ എത്തിയ മനോജ്കുമാർ പെൺകുട്ടിയെ പ്രണയം നടിച്ചു വശത്താക്കി വിവാഹ വാഗ്ദാനം നൽകി തമിഴ്നാട്ടിലേക്കു തട്ടിക്കൊണ്ടുപോകുകയായിരുന്നു. ദേവികുളം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.