സ്വകാര്യ ഏല ലേല ഏജൻസികൾ പുറ്റടി സ്പൈസസ് പാർക്ക് ഉപേക്ഷിച്ചു;കേരളത്തിന് നഷ്ടം, തമിഴ്നാടിന് നേട്ടം
കട്ടപ്പന :സ്വകാര്യ ഏല ലേല ഏജൻസികൾ പുറ്റടി സ്പൈസസ് പാർക്ക് ഉപേക്ഷിച്ചു തമിഴ്നാട്ടിലേക്ക് കടന്ന് ് ഏലക്ക ഓൺലൈൻ വിൽപന ആരംഭിച്ചത് സംസ്ഥാന ഖജനാവിന് എസ്.ജി.എസ് .ടി ഇനത്തിൽ സംസ്ഥാനത്തിന് ലഭിച്ചിരുന്ന കോടികളാണ് .പുറ്റടി സ്പൈസസ് പാർക്കിൽ ഓൺലൈൻ ലേലം കഴിഞ്ഞ് സംസ്ഥാനത്തിനുള്ള എസ്.ജി.എസ്.ടി കിഴിച്ചാണ് കർഷകർക്ക് പണം നൽകിയിരുന്നത് . 12 ഏജൻസിയാണ് പുറ്റടി സ്പൈസസ് പാർക്ക് കേന്ദ്രീകരിച്ച് ഏലക്ക ഓൺലൈൻ ലേലം നടത്തിയിരുന്നത് .
ഓരോ ഏജൻസിയിലും ശരാശരി 30,000 മുതൽ ഒരു ലക്ഷം കിലോ വരെ ഏലക്കയാണ് ഓരോ ലേലത്തിലും വിൽപനക്ക് പതിച്ചിരുന്നത് . ഏലക്ക് വിറ്റുപോകുമ്പോൾ ലഭിക്കുന്ന തുകയുടെ അഞ്ചുശതമാനം നികുതിയായി സംസ്ഥാനത്തിന് ലഭിച്ചിരുന്നു . ഈ പണമാണ് നഷ്ടമാകുക . ഇനി ഈ തുകയിൽ നല്ലൊരു ഭാഗവും തമിഴ്നാടിന് ലഭിക്കാനാണ് സാധ്യത . ലേല ഏജൻസികളിൽനിന്ന് യൂസർ ഫീ ഇനത്തിൽ സ്പൈസസ് ബോർഡിന് ലഭിച്ചിരുന്ന തുകയും ഇല്ലാതാകും.
