സംരംഭകര്‍ക്ക് ത്രിദിന ശില്പശാല

എം.എസ്.എം.ഇ സംരഭങ്ങളെ നൂതന ഡിജിറ്റല്‍ സാങ്കതിക വിദ്യ ഉപയോഗിച്ച് വളര്‍ത്തുന്നതിനും കാര്യക്ഷമതയും വിപുലതയും കൈവരിക്കുന്നതിന് വ്യവസായ വാണിജ്യ വകുപ്പിന്റെ സംരഭകത്വ വികസന സ്ഥാപനമായ കേരള ഇന്‍സ്റ്റിറ്റ്യൂട്ട് ഫോര്‍ ഓണ്‍ട്രപ്രോണര്‍ഷിപ്പ് ഡവലപ്മെന്റിന്റെ (KIED) നേതൃത്വത്തില്‍ മൂന്ന് ദിവസത്തെ ഡിജിറ്റലൈസേഷന്‍ ഓഫ് എം.എസ്.എം.ഇ എന്ന വിഷയത്തില്‍ പരിശീലനം സംഘടിപ്പിക്കും.
ജൂണ്‍ 11 മുതല്‍ 13 വരെ കളമശേരി ക്യാമ്പസിലാണ് ത്രിദിന ശില്പശാല. നിലവില്‍ സംരഭം ഉള്ളവര്‍ക്കും പുതിയ സംരഭകര്‍ക്കും പരിശീലനത്തില്‍ പങ്കെടുക്കാം. പൊതുവിഭാഗത്തിന് റസിഡന്‍ഷ്യല്‍ 2950 രൂപയാണ് ഫീസ്(ഭക്ഷണം, താമസം, സ്റ്റേഷനറി, ജിഎസ്ടി ഉള്‍പ്പെടെ) നോണ്‍-റസിഡന്‍ഷ്യല്‍ 1200 രൂപയാണ് ഫീസ്.(ഉച്ചഭക്ഷണം, സ്റ്റേഷനറി, ജി.എസ്.ടി ഉള്‍പ്പെടെ)
പട്ടികജാതി പട്ടിക വര്‍ഗ വിഭാഗങ്ങള്‍ക്ക് റസിഡന്‍ഷ്യല്‍ 1800 രൂപയും (ഭക്ഷണം, താമസം, സ്റ്റേഷനറി, ജിഎസ്ടി ഉള്‍പ്പെടെ) നോണ്‍ റസിഡന്‍ഷ്യല്‍ 800 രൂപയുമാണ് ഫീസ് (ഉച്ചഭക്ഷണം, സ്റ്റേഷനറി, ജിഎസ്ടി ഉള്‍പ്പെടെ).
താല്‍പര്യമുള്ളവര്‍ www.kied.info എന്ന വെബസൈറ്റ് മുഖേന ജൂണ്‍ 9 ന് മുന്‍പായി അപേക്ഷിക്കണം. തിരഞ്ഞെടുക്കുന്ന 35 പേര്‍ക്കാണ് പങ്കെടുക്കാന്‍ അവസരം. കൂടുതല്‍ വിവരങ്ങള്‍ക്ക്: 0484 2532890, 2550322, 9188922800.