ഡ്രൈ ഡേയിൽ മദ്യവിൽപ്പന: ഒരാൾ പിടിയിൽ

വണ്ടിപ്പെരിയാർ : ഡ്രൈ ഡേയിൽ മദ്യവിൽപ്പന നടത്തിയയാൾ പിടിയിൽ. വാളാർഡി കരയിൽ എച്ച്.എം.എൽ. എസ്റ്റേറ്റ് സ്വദേശി രാജഗോപാൽ (55) ആണ് പിടിയിലായത്. രണ്ട് ലിറ്റർ വിദേശമദ്യമാണ് ഇയാളുടെ വീട്ടിൽ നിന്ന് പിടികൂടിയത്. ഇയാൾ മദ്യവിൽപ്പന നടത്തുന്നുവെന്ന രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് ഇവ കണ്ടെത്തിയത്.

പ്രിവന്റീവ് ഓഫീസർ സതീഷ് കുമാർ ഡി., സിവിൽ എക്‌സൈസ് ഓഫീസർമാരായ സൈനുദീൻകുട്ടി, അരുൺ ടി.നായർ, ഷിബിൻ എസ്., ഷിബിൻ എസ്., സ്റ്റെല്ലാ ഉമ്മൻ എന്നിവരടങ്ങുന്ന സംഘമാണ് പ്രതിയെ പിടികൂടിയത്.