റോട്ടറി ക്ലബ് ഓഫ് കട്ടപ്പനയുടെയും റോട്ടറി ആൻസ് ക്ലബ്ബിൻ്റെയും നേതൃത്വത്തിൽ ജില്ലാ സ്പെഷ്യൽ സ്‌കൂൾ കലോത്സവം റെയിൻബോ 2024 -14ന് വെള്ളയാംകുടി അസീസി സ്പെഷ്യൽ സ്കൂളിൽ നടക്കും.
സ്‌പെഷ്യല്‍ സ്‌കൂളുകളില്‍ പഠിക്കുന്ന കുട്ടികള്‍ക്ക് അവരുടെ കഴിവുകള്‍ അവതരിപ്പിക്കുന്നതിനുള്ള വേദിയൊരുക്കുക, ഇവരുടെ കഴിവുകളെ പ്രോത്സാഹിപ്പിക്കുക എന്നിവയാണ് പരിപാടിയുടെ ലക്ഷ്യം.
400ല്‍പരം കുട്ടികള്‍ പങ്കെടുക്കും.
രാവിലെ 8.30ന് കട്ടപ്പന നഗരസഭ ചെയർപേഴ്‌സൺ ബീന ടോമി പതാക ഉയർത്തും. ഉച്ചകഴിഞ്ഞ് 2.30ന് വർണശബളമായ റാലി കട്ടപ്പന ഇടുക്കികവലയിൽ നിന്ന് ആരംഭിക്കും. 3.30ന് സമാപന സമ്മേളനം ജലവിഭവ വകുപ്പ് മന്ത്രി റോഷി അഗസ്റ്റിൻ ഉദ്ഘാടനം ചെയ്യും.
റോട്ടറി മുൻ ഡിസ്ട്രിക് ഗവർണർ അഡ്വ. ബേബി ജോസഫ്, അസി. ഗവർണർ പി.എം. ജോസഫ് എന്നിവർ പങ്കെടുക്കും.
വാര്‍ത്താസമ്മേളനത്തില്‍ റോട്ടറി ക്ലബ്ബ് പ്രസിഡന്റ് ബൈജു വേമ്പേനി, സെക്രട്ടറി ബൈജു ജോസ്, ഐ പി പി -ജോസഫ് തോമസ്, സിബിച്ചന്‍ ജോസഫ്, അജോ അബ്രഹാം, മിഥുന്‍ കുര്യന്‍ ,ഷാഹുല്‍ ഹമീദ്, ബോണി ജോസഫ്, റോട്ടറി ആന്‍സ് ക്ലബ്ബ് പ്രസിഡന്റ് മിനു തോമസ്, സെക്രട്ടറി ഷേര്‍ളി ബൈജു, ട്രഷറര്‍ ജീമോള്‍ ബൈജു. വൈസ് പ്രസിഡന്റ് ജാന്‍സി ജോസഫ്, ശില്‍പ ബോണി തുടങ്ങിയവര്‍ പങ്കെടുത്തു.
